اهلين بنات كيفكم االه يتمم حملكم على خير.و هي قصة ولادتي انا اليوم خلفت عالساعة 12 الظهر اجاني الطلق مبارح طول نهار و عالثنتين بالليل انفجر كيس الجنين و ذهبت عالمستشفى دغري بس لقو انو الرحم فاتح بس اربعة سانتيم و لسا بدو يفتح و صار الطلق عم يحمى كثير تركوني ساعتين و انا عم اتوجع روحي طلعت بس لا تخافو يا بنات عم قلكم بشو حسيت بصراحة.بعدها عطوني ابرة الظهر و رتحت كثيييير ما عاد حسيت بشي ابدا و هيك صرنا ناطرين ليفتح الرحم و ما كان يرضى و عالساعة عشرة الصبح فحصوني و لقو الرحم فتح 10 سانتيم و اجو الممرضات و الدكتورة و بلشو يحاولو معي و الحمد لله بعد ساعة من التعب طلعت البنوتة بلا ما عملولي فتح بالعجان بس انشق لحالو من راس البيبي و عملولي خياطة بس ما حسيت بشي من ابرة الظهر.و هيك خلصت ولادتي هلء انا موجوعة شوي لانو التخدير راح و الخياطة عم توجعني.الله يتمم عالكل بخير و يرزقكم ولادة سهلة