ولدت امس 1 / 1 كان تاريخ الولاده المتوقع 31 / 1 في فرق 20 دقيقه بس الحمدلله بدا معي الطلق من الساعهً 2 الظهر كنت نايمه و صحاني الالم حسيت كان يجي كل 10 دقايق بس محتمل بعدين صار يزيد كل خمس دقايق بعدين رحت المستشفى قالو لي مافي طلق ولا الرحم انفتح كان مفتوح 2 الا ربع و طلعوني انا اصيح من الالم رجعت البيت و كل شي يزيد الالم قامت اختي بخرتني ب قشر بصل و كمون و مره و مراميه و الالم زاد مره بس كل خمس دقايق رجعت المستشفى قالو على طول ولاده الرحم مفتوح 5 سانتي قالو لي افسخي ملابسك وانسدحي شوي و المويه تنكب خفت اقول لهم في مويه يقولون عادي عادي لا تخافين صراحه الدكاتره و الممرضات مره عسل و متعونين طلعوني فوق قالو لي صار 8 سانتي والالم قوي مررررره والله غير محتمل شوي حسيت احساس اني عندي براز قلت لها ابي اروح الحمام قالت لي هذا الرأس اذا جت الطلق دفي صرت كل مااحس بطلقه ادف و الحمدلله طلع احلى حاجه بحياتي حطته على صدري نسيت كل الدنيا و مافيها بعدين قالت لي باقي المشيمة طلعوها و نظفت لي و خيطوني والحمدلله هذي ولادتي صراحه سهله بس التعب في الطلق الله يسهل عليكم جميع ي رب ❤️