ابشركم رزقت اليوم 30/3 الساعه 7:49 بمولودتي الاولى♥️ملك♥️ ولاده طبيعيه الحمدلله - قصتي كالتالي رحت الخميس الليل مشيت في ارضيه متربه يقولون النزلات والطلعات تفيد ومشيت وبعدها رحت ممشى عادي ورجعت سويت قرفصاء ونمت وبدا المغص يجي من الساعه ٤:٥٨ العصر كان خفيف بس واضح ومستمر بنفس الدرجه لين ٦ المغرب اخذت ملعقة زيت زيتون عشان يسهل الولاده ويشد الالم لين ٧ العشاء بدا يقوى الالم ويوضح اكثر كنت امشي واذا حسيت بارهاق اجلس واسوي قرفصاء وشربت حليب مره بتمر ومره بعسل وامشي لين ١١ الليل رحت ع المستشفى الالم قوي اكثر فحصتني ع ١٢ كان ٢ سانتي بس وقالت روحي الساعه ٤. فجر تعالي ورحت مشيت عند المستشفى وقرفصت 🏋🏻‍♀️طبعاً ع مهلي واذا تعبت ارتاح لين جاء الوقت ودخلت كشفت الحمدلله كان ٥ سانتي وطلعت فوق للولاده على الساعه ٥:٣٠ زاد نص سانتي بس طبعاً فكتلي المويه وطلعت متبرزه ☹️ خفت بصراحه وبدا الالم يقوى وكل ماجاء ادعي واخذ نفس ويتخللها صيحات طبعاً 😂لازم اسويلهم زفه ف المستشفى 💃🏻وعطتني مسكن واضح اطربتهم زين المهم مع المسكن هجدت مايطلع صوتي الا اذا جات المغصه 😂اقعد اقول “ياربي ياكريم انت الفرج من عندك ياربي رحمتك” واحاول اتنفس بس تروح المغصه اهجد والملم اشتاتي بس ترا المغصه هينه بس احس ان الوضع نفسي اكثر من انه الم ويمكن التخطيط كمان يضايق فتحسينك متضايقه مره وكل مغصه اقول لنفسي هانت عديتي الكثير بلادلع ع النهايه تخربينها 🧘🏿‍♀️يعني كلام كذا صارت ٦:٣٠ وفحصتني لاني بديت احس مع كل مغصه غصب عني يجي زي الترجيع واحس ابغى ادف واناديها فحصتني ولله الحمد طلع ٩ وجات الدكتوره اللي بتولدني اتوقع تسمونها قابله 🙃واسالها كم تقولي باقي ٥ سانتي تستهبل علي وبعدين خلاص معد قدرت المغصه تجي بدف وقالت يالله دفي كان الوضع خربطه شوي لاني بكريه بس الحمدلله ضغطت ع نفسي وسويتها وطلعت اميرتي الحلوه وراح كل الالم والتعب والصياح وخيطتني طبعاً ، قد ايش الحمدلله شعور حلو ومريح 😴🌸 والحين/ استودعكم الله والله يسهلها عليكم زي ماتسهلت لي وتذكري انك قدها 👌🏻عليك بالصبر والدعاء والتنفس واعطي نفسك كلمات اجابيه تصبرك زي $انا قدها - الم ساعه ويروح ان شاء الله - هانت وصلت للنهايه $ ووقت الدفع اخذي نفس بعدين اكتمي لاتصيحين عشان مايرجع النونو لبطنك بدال مايطلع 👶🏻