🌷🍀•••آلْسّلامُ عٓ'ــلَيْگم وَ رَפـْـمَةُ الله وَ بَرَگآتـٌٍھ •🌷🍀 كيفكم جميعا ؟؟ حابة أشارككم فرحتي بطفلي الثاني الحمدلله ولدت من اسبوعين يوم الخميس ٢٠ أكتوبر - ١٩ محرم في جدة في مستشفى الدكتورة هاله بن لادن والحمدلله ربي يسرلي وسهلي ولادتي كان عندي مغص واستفراغ الله يكرمكم عالساعة ٣ الفجر وبعدها نمت وجاني مغص تاني عالساعة ٦ الفجر وقمت الحمام ونزل مني دم الله يكرمكم وعرفت انو ولادتي قربت وصحيت زوجي… بعد ربع ساعة جاني الم الطلق كان كل ٥ دقايق وبعدها يهدأ ربع ساعة ويرجع تاني كل ٥ دقايق لحد ما حسيت انو الالم ورا بعض وقلت اروح المستشفى… وقبل ما اروح المستشفى اكلت ٣ حبات تمر وشربت موية… وصلت عالمستشفى الساعة ٧ وقالولي الرحم مفتوح ٩ سم و دكتورتي جات على ٧:٢٠ تقريبا و الحمدلله ولدت طبيعي على ٧:٤٠ الصبح وكان وزن ولدي (٣.٤٠) ماشاءاللّـ♡ـہ ~🌻 وجلست ف المستشفى لحد الليل وخرجت ماشاءاللّـ♡ـہ ~🌻 الدكتورة طيبة وشاطرة وماحسيت معاها بأي صعوبات وألم ولله الحمد والممرضات كانو متعاونات معايا وبشوشات ماشاءاللّـ♡ـہ ~🌻 من يوم ما دخلت لحد ما خرجت… ولدي اليوم كمل اسبوعين الحمدلله وهو بصحة وعافيه وسميته ( أُسَيـْـد ) وعندي بنت اكبر منه بـ سنتين ونص اسمها ( رِفال ) اللّـ♡ـہ يحفظهم لي يارب… ولدي كانت عنده نسبة صفار بسيطة واعطوني فيتامين د وعرضتو للشمس و شربتو سكر نبات والحمدلله اتعافى أتمنى انو ربي يرزق الجميع بالذرية الصالحة وربي يسهل للحوامل ولادتهم ويقر عينهم بشوفة ضناهم ياااارب معليش طولت عليكم ❤️