وأنتهت رحلة وهن على وهن ، الحمدلله حمدا يُدثرنا عمقاً حتى يرضى فانرضى الحمدلله على تباشير الفرح والحمدلله على عُسر اعقبه يُسر . .. اخر دوره لي ١/١٥ هجري ، طوفت ٥ ايام من التاسع ولدت اليوم العصر ١١/٥ هجري الله يهون على كل حامل ويسهل ولادته ، طبعاً انا كنت ابي اولد بسرعه والله كل شي جربته ( شميت حلتيته ، تبخرت بقشر بصل ومره وكمون ، اكلت رطب ، امشي ، اصعد الدرج ، شربت منقوع تمر ) طبعاً في اشياء ممنوع اننا نسويه ولا انصحكم فيها انا سويتها كنت ابي اولد بسرعه وكنت اظن انها تولدني و مت من الثقل وتعبت نفسيتي ، لكن لطف الله ماصار فيني شي وفي البيبي ❤️ وجدتي الله يحفظه قالت ( يا بنتي راح يجي باليوم اللي الله كاتب فيه ينولد بساعته وبالدقيقه اللي ربي مقدرها ) هذا حسن ظن بالله وتوكل عليه ، فعلاً تركت كل شي قعدت امشي فقط واردد لاحول ولاقوة الا بالله وقيام الليل لوركعه وادعي وادعي والحمدلله ربي استجاب دعوتي جاني طلق طبيعي وربي سهل ولادتي الحمدلله حمدا كثيرا طيبا مبارك 🍃💗