💕قصة ولادتي 💕 الحمد لله الذي تتم بنعمته الصالحات 😇 .... الحمد الله كنت متوقعة اولد بداية التاسع طبعا لاني مفروض اعمل ربط بس ماعملت .المهم يوم الخميس كنت رايحة مراجعة عادية وكان عندي اوجاع بسيطة في الظهر والمنطقة تحت من كترة المشي والحركة وحكيت للدكتورة قالت نعمل فحص داخلي. وقالت مفتوح اربع سانتي ☻ماتفاجأت بس اربعة واااو😍...وقالت انه ولادة ومارح ارجع للبيت اقنعتها اجهز اموري وارجع وبالفعل وتيت وجهزت اموري وعملت ترتيباتي ورجعت وتنومت عندهم بعد المغرب وماكان في اي وجع او طلق نهائيا حتى اللي كان عندي اختفى وماقدرت انام وضليت اتمشى بالممرات وكل ماسأل دكتورة امتى يبدا الطلق تقولي رح يبلش عن قريب بس انت اشربي اشياء سخنة وامشي....وهيك لعند الجمعة الظهر بلش وجع خفيف واجت الدكتورة وحكيتلها وقالت نفحص تاني ولقيت خمسة سانتي وقالت إذا مازاد الوجع ناخذ حبة طلق صناعي....وانا مو راضية عنه الصراحة فبلشت امشي اكتر واكتر لبعد العصر صاير طلق عنجد😩 ورحت لعندها وقالت سته ويارب يسر ضليت بغرفة اتمشى واتسطح وادعي ربي يسهل واقرأ اللي حافظته من القران وماصرخت. وبعدين رجعت كشفت وقالت full وطقت ميه الراس ليزيد الوجع وكلها خمس دقايق الحمد لله بلش الدفع تحت وصرخت وناديت عليها وقالت يلا ع كرسي الولادة ويادوب قعدت ع اول دفعتين طلع ابني حبيبي الحمد لله الحمد لله كانت ولادة ميسرة بفضل ربي ولدت قبل المغرب بخمس دقايق بس......حملي كان متعب جدا الحمد لله على كل حال.....وابني اجا بعد اجهاضات كتير ووجع قلب الحمد نسيت كل تعب الحمل والولادة مع شوفت ابني اصعب شي خسارة الطفل بعد تعب الحمل..اهم شيء الوحدة تدعي ربها بدون ماتمل من المحاولات ان ربي رح يرزقها ويعوضها...ماعليش طولت عليكم...ربي يتمم على كل الحوامل ويرزق كل محروم 💖