يا حوامل يا حلوات طمنوني وجدة منكن سمعت عن هيك حالة؟ انا حامل بالاسبوع 23 من الحمل يعني نص الشهر السادس من أول فحص عند الدكتورة شافت انو عندي كيسين حمل بس واحد فيه جنين والتاني لأ يعني احتمال توأم بويضتين وقالت ننتظر يمكن يبان الجنين او ما يكون فيه جنين بيختفي الكيس لحالو بالكشف التاني كان الكيس لسى موجود حجمو كبير والسوائل فيه كميتا كبرت وكلشي بيقول انو في جنين بس ما مبين بالفحص يلي بعدو اختفى كيس الحمل قالت الدكتورة بجوز نشف وبينزل أثناء الولادة بالفحص اللي بعدو على اساس طفل واحد وبالوقت يلي الدكتورة عم تاخد فيه مقاسات البيبي محيط الرأس طول الذراعين والساقين وهيك اكتشفت انو في طفل تاني ظاهر تلت جسمو بالايكو وباقي جسمو متخبي ورا البيبي الواضح بالايكو صدمتنا كلنا كانت كبيرة خصوصا انو فقط في حال التوأم الحقيقي يعني بويضة وحدة ممكن يكون متخبي واحد منن وما يظهر بالايكو بس انو توأم كل واحد بكيس حمل ومتخبي اول مرة بتصير الدكتورة اتأكدت من دقات قلب الجنين التاني وحجمو وطولو وسجلت كلشي بدفتر الحمل وعطتني تأكيد خطي اني حامل بتوأم مشان جامعتي وحولتني ع دكتورة اعمل عندا فحوصات للتأكد انو الطفلين سليمين من اي عاهات او تشوهات لانو حمل بعد التلاتين سنة الدكتورة التانية اول ما حطت الايكو عبطني ما لقت غير طفل واحد وحاولت كتير تقلي مافي طفل تاني من أصلو ولا حتى كيس حمل تاني يمكن دكتورتك مخربطة وقاست نفس الولد مرتين قلتلا كيف واذا كل واحد فين قاعد بعكس التاني... راس الاول عند اجرين التاني وبالعكس قال مافي غير طفل واحد سمعتو شي مرة انو وحدة كانت حامل بتوأم واختفى التاني؟ والا يا ترى فعلا مافي توأم من أصلو😅