للحوامل اللي هنا : الحمل جميل الا اخر مرحلة منه و الولادة ، لكن مو معناته انه صعب لدرجة ما نقدر عليه ، لو كان بالصعوبة المتوقعة ، ماجعلها الله وسيلة اخراج كائن حي من كائن حي آخر 🤷🏻‍♀️💗 بكتب كم حاجة بعتمدها ان شاء الله و كم حاجة بديت فيها ، ١- من اسبوع ٣٣ ، الدكتورة ضاعفت لي حبوب الحديد مع ان نسبة الحديد لابأس بها عندي لكن حبت ان يرتفع أكثر .. فكان نظامي كالآتي : حبة جوسبيرين-علشان الجفاف- + ٢ حبة حديد + كوب عصير شمندر مع حصة الفواكة اللي لازم اخذها باليوم "مثلا برتقالتين و تفاحة شمندر اعملهم عصير +اكل حبة موز واي فاكهه احبها " + وقفولي حبوب الكالسيوم ، عوضت عنها بكوبين حليب باليوم + التدريب للتنفس الصحيح ٢- من اسبوع ٣٤، تدليك المنطقة بزيت زيتون يسهل لها انها تتوسع .. + تنفس صحيح ٣- من اسبوع ٣٦، ابدأي التمارين اللي تسهل الولادة موجوده كثيرة في اليوتيوب شوفي الافضل لك .. + مشي ساعة ريحي كل ثلث ساعة .. ٤- ما ادري عن الاعشاب و الاشياء هذي ، لكن سألت دكتورتي عايشة الزبيدي ، قالت اضيفي لنظام أكلك قرفة وعسل و التمر .. -عسل وتمر من زمان دخلتهم بنظامي من الرابع بمقدار تمرة يوميًا و الخامس صرت اكلهم عادي نفس اي وقت مضى " ٥- الحوقلة و الاستغفار و الدعاء الدعاء الدعاء الدعاء .. ٦- ادخلي للولادة وانت متوقعة الألم ، لكن بنفس الوقت ادخلي وانت بتقابلي اللي تنتظريه من تسع شهور وتتخيلي شكله وريحته كيف ❤️❤️❤️❤️ موفقين جميعًا و الله يرزقنا ويرزقكم الذرية الصالحة و يرزق المحرومين ❤️❤️❤️❤️❤️❤️ + ثقفي نفسك عن شق العجان ، عن مرحلة مابعد الولادة ، عن الرضاعة الطبيعية قد ما تقدري ، تكلمي مع دكتورتك عن انك حابه بعض الاشياء اللي تفضليها للولادة زي وضعيتك وانت تولدي ، قص الحبل السري ، ابرة الظهر ، قص العجان و لو تفضلي تولدي في المويا الدافية -اذا يتوفر هذا الخيار بالمستشفى اللي تبغيه - .. + هذي خبرتي ومعلوماتي البسيطة و اللي لهم تجارب مع الولادة و حابين يضيفوا حاجة تفضلوا 😍✅