السلام عليكم ولدي عمرو خمس شهور واسبوع ونفسي ابدا ادخل له الاكل ومحتاره ايش احسن الكوسا والا الافوكادو اول شي وكيف طريقة هرس الافوكادو انتو ايش اعطيتو اطفالكم في دا العمر انا مرا خايفه لاني قريت اعراض الحساسيه وخوفت ابدا بالاكل دحين قلت لاسمح الله يمكن يتحسس من اي شي اعطي هوا حكوني انتو ايش سويتو لهم بدا العمر
العضوة: 540069 , 5 years ago
بليز ردو علياالعضوة: 540069 , 5 years ago
رفعالعضوة: 814315 , 5 years ago
خمس شهور احس باقي صغير لو تخليها كمان شهر بس اذا استشرتي الدكتور وقال ممكن تأكليه عادي ابدي معه ونصيحه ابدي معه بالخضار لانك لو بديتي بالفواكه بعدين الخضار مارح يتقبلها بسبب مرارتها ابدي بالكوسا سوي مثل الاختبار اكليه اول يوم اذا مافي اعراض حساسيه جربي كمان يومين يعني كل صنف ٣ ايام عشان تتاكدي ان مافي حساسيه وكل مره ابدي دخلي خضره جديده لين تخلصي كل الخضار بعدها تبدي بالفواكه في مقطع باليوتيوب حيفيدك بهالموضوع اسمه ( تغذيه الطفل مع غزل بغدادي) مده المقطع 39 بس شملت كل شي اما عن طريقه التحضير فا يا سلق او على البخار في مقاطع كثييره تشرح هالشيالعضوة: 46099 , 5 years ago
ابدئي معاه بالخضار مثلاً تبدئي بالكوسة تجلسي 3 ايام تعطينه كوسة عشان تشوفين هل تحسس منها ولالا بعدين تبدين بالخضار اللي بعده مثلاً البطاطا الحلوة 3 ايام بعدين الجزر 3 ايام بعدين الافوكادو 3 ايام و هكذا بعد الخضار تبدئين بالفواكة موز 3 ايام بعدين اجاص 3 ايام و باقي الفواكة نفس الطريقة بعدين اذا صار عمره 8 شهور تبدئي تعطينه بيض مسلوق بس تكونين حذره تهرسين الصفار و تضيفين شوي مويه يعني يادوب كم لقمه تذويقه فقط > انا بنتي تحسست من البيض فا انتي انتبهي اذا بدئتي معاه في البيض و السيريلاك عاد كيفك اذا تبغين تبدئين معاه بعد ماتخلصين كورس الخضار و الفواكة عادي فيه سيريلاك لعمر 6 شهور اهم شي تخففينه بمويه مايكون ثقيل طريقة الطبخ الخضار ( بالبخار ) فيه اجهزة تنباع خاصه تسوين فيها اكل الاطفال تريحك و فيه طريقة انك تجيبي قدر فيه مويه مغليه و تحطين فوق القدر شبك و تحطين الاكل فيه و تغطينه عشان يستوي بالبخار بعدين تهرسينها بالشوكة و تخففينها بمويه البخار نفسها اما الافوكادو خذي نوع يكون مستوي اللي قشرتها تكون غامقه غالباً تكون مستويه و الموز حطي معاه شوي مويه و اخلطيه بالخلاطه