كيفكم جميعا انا قلت بموضوع سابق ولادتي حان موعدها و من اصحا احكيلكم قصة ولادتي بركي تفيدكم ❤️❤️ انا ولدت قيصري بسبب تكلس المشيمة و عدم وجود اي بوادر ولادة طبيعي ( رحم مغلق و البيبي مش في الحوض) طبعا اخترت التخدير الموضعي لاني سمعت كتير ناس تقول عنه انو احسن ابرة التخدير ما تخوف طبعا انا كنت خايفة بس لمن اخدتها عرفت انها ما تخوف و ما توجع هيه فقط بتحسي بكركرة بضهرك و شوي شوي بتبطلي تحسي برجليكي بعد ما اخدت الابرة اتسطحت فورا و دكتور التخدير قلي ما ترفعي رااااسك نهائيا لكني سهيت و رفعته ف لقيته عم يخانئني بقلي لا ترفعي رااااسك انا بنزعج من هالموضوع هي اول و اخر مرة.... 😅 و انا في العملية حسيت بشوشة نفس و ثارت نفسي تشوش و صرت اختنئ و قول للدكتورة انا عم اختنئ ماعم اقدر اتنفس عطوني ابرة في الوريد هديت عليي و رجعت طبيعي 😁 و الحمدلله حسيت و هنن عم يسحبو بنتي من بطني و بعدين شفتها صرت ابكي و انا جوا من الفرحة 😍😳 المهم يا بنات الدكتور قلي ما ترفعي راسك عشان ما يسببلي اي وجع و قلي اشربي نسكافيه و شاي و قهوة اد ماأافيكي و فعلا مشيت ع كلامو ما اجاني وجع راس الحمدلله القيصرية ما تخوف يا بنات بالعكس حلوة مررررة بس يلي لازم تعملوه انو تسمعو حكي الدكتور و شو بقلكم تعملو عملو و طبعا لازم يكون دكتور موثوق و ممتاز و الحمدلله ما خلوني اطلع من المستشفى لقدرت امشي ع رجليي بدون مساعدة احد و الله يقومكم بالسلامة 😘