السلام عليكم انا ولدت الحمد لله يوم ٢٥ سيبتمبر ٢٠١٨ اخر دورة لي كانت في ٢٠ ديسمبر ٢٠١٧ هذي الولاده رقم ٣ بعد ولدين 💕 انا ولاداتي اللي قبل كلهم عديت التاسع فكان متوقع اني اخلص التاسع حتى بالثالث يوم ٢٢ خلصت التاسع ويوم ٢٤ كان عندي موعد مع الدكتوره , قالت لي تبين اسوي لك تحريض ؟ توكلت على الله وقلت لها سوي لي وسوت لي تحريض دخلت يدها ثانيه وحده وطلعتها وكان فيه شوية دم 😫 قالت لي سويت تليين للرحم وان شاء الله قريب تولدين 😥 انا هنا بلعت العافيه من الخوووف بدت شوية تقلصات وهذا طبيعي بعد التحريض المهم ان اليوم الثاني قمت الساعه ٨ ونص الصبح وكنت حاسه اني ابي ارووووح الحمااام ورحت ونزل شوية دم مع البول ( وانتو بكرامه) قلت هذا عشان التحريض اكيد . وبعد ربع ساعه جاني حمام ثاني 😥 وكل ربع ساعه كذا ابي اروح الحمام وكني شاربه جيك ماي من كثر البول الله يكرمكم جاني الام كنها الام دوره بس اقوى شوي , تروح وتجي بس ماكانت منتظمه عرفت انها طلق بس شكيت شوي لانها ماكانت منتظمه ابدد ( مره تجيني بعد عشر ومره عشرين دقيقه ومره ثلاث دقايق وهكذا ) وكانت خفيفة وتحتمل فطرت واكلت كثيير عشان الطاقه وقت الولاده 😁 كلمت زوجي وهو في العمل قلت له استعد احتمال تشرف بنتنا اليوم 💕 خااف مره وقال خلاص بجييك وقمت اسوي تمارين قرفصاء واحرك الحوض يمين يسار وارقا الدرج وجهزت اغراضي للمستشفى ولبيت اهلي لين جات الساعه ١٢ ونص جاني زوجي وقال يلا اودي العيال بيت اهلك واحنا نروح المستشفى , قلت له تمام وديناهم وحركنا للمستشفى , الالم للان ماشتد كان خفييف مره والطلقات متباعده , قلت لزوجي تدري لانروح المستشفى تو الناس 😅 اخاف يكشفون علي ومايكون مفتوح , شرايك نتغدا بمطعم 😁 قال يلا انا ميت جوع 😂 رحنا المطعم وطلبنا واكلنا وانا فيني الام 😂😂 وكل شوي حمام 😭 واذا عطست او ضحكت او كحيت ينزل البول فلبست لي كوتيكس المهم خلصنا الساعه ٢ ونص وقلت له يلا نروح المستشفى على بركة الله 💔 وكنت خااايفه ان يقولون لي مو ولاده لان الى الان ماكان الالم قوي رحت المستشفى وقامو يسألون كم اسئله كم عندك وكيف ولاداتك اللي قبل و و قالت الدكتوره يلا بفحصك الحين .... مفتوح ٤ سانتي ونص والماي مفتوح !! ( طول الوقت كنت احسبه بول طلع الماي 😭😂) المهم يوووم جات الساعه ٥ ونص خلاص الالم صار مايمزح وبدأ الصرااخ وقمت ادفع من نفسي , يوم شافوني الممرضات ركضو وفحصوني شافو انه ولاده خلااص وقربو اللمبه البيضه 😅😅 وقمت ادفع الحمد لله الساعه ٦ انا والد ببنتي الجميله 💕💕 اللهم لك الحمد على هذه النعمه الجميييله جدا وعقبال كل من يتمنى ياااارب ياكريييم وسلامتكم