السلام عليكم أخواتي كيف حالكم صرلي تقريباً سنة قاطعة عن البرنامج والله من كرهي لفترة الحمل والولادة والتعب الي معها ☹☹☹ والحمد لله فترة وعدت وان شاء الله مو مفكرة بالحمل لتلت سنين اقل شي.... المهم.. اتمنى من كل الحوامل القيام بالسلامة والله يطعم الحمل لكل مشتهية .. الاهم هو سؤااالي الله يجزاكم الخير الي عندها خبرة او تجربة تساعدني انا ولدت من سنة وتلت شهور ولحد الآن ما نزلت علي الدورة ولا يوم وارضع بنتي بشكل طبيعي والحمد لله انو ركبت لولب بعد الاربعين بس مستغربة وخايفة انو لهلأ ما اجت الدورة هل اللولب هو السبب وكمان حاسة وزني عم يزيد وخصوصا منطقة البطن مع انو اكلي طبيعي وعم خفف اكتر من قبل وعم العب رياضة بس ممافي نزول بالعكس عم يزيد كل شهر كيلو هل بسبب عدم النزول الدورة والرضاعة .؟؟؟؟؟... افيدوني بالله عليكم ....
العضوة: 720804 , 5 years ago
@user-260940 انا رضعت طبيعي سنة وسبعة شهور من غير دورة بس ما ركبت لولب وبطني كبر وزاد وزني لما بنتي صار عمرها سنة ونص ولما تجيك الدورة بطنك ينقص شوي باذن اللهالعضوة: 595581 , 5 years ago
حبيبتي في طول فتره الرضاعه ماتنزل الدوره عليهم...وتكبر البطن معاها.العضوة: 260940 , 5 years ago
عنجد الله يطمن بالك ريحتي بالي والله خفت وكنت ناوية اروح الدكتورة لاتطمن عن حالي خفت يكون اللولب مأثر على موضوع الدورة .وخصوصا اول مرة تمرق علي هيك وقرأت بالنت انو اقصى وقت لتجي فيه الدورة بفترة الرضاعة هو سنة فأنا فكرت ان وضعي غير طبيعي...العضوة: 475509 , 5 years ago
عادي حبيبتي حماتي بكل ولادها ماكانت تجيها دوره الا بعد سنتين طبيعي ،، وانا متلك برضع ابني ووزني كل مالو عم يزيد ويكبر بطني وربي صرت اخجل من جوزي وكرهانه حالي ونفسيتي تعبانه الله يهونها علينا يارب 💔العضوة: 260940 , 5 years ago
..💓والله مشكورة لردك يعني عنجد طبيعي زيادة الوزن هي وخصوصا البطن ؟؟ مع انو وزني جدا طبيعي كان قبل ست اشهر كان ٥٧ وطولي ١٦٢ وحاليا وزني ٦٤😢💔....العضوة: 260940 , 5 years ago
يسلمو كتير اختي الله يطمن بالك ..... ومن ناحية الوزن ماتزعلي ابدا ولا تهتمي لأنو الحالة النفسية ٧٠ بالمية بتأثر على موضوع نزول الوزن والله عن تجربة خليكي واثقة من نفسك وركزي على النواحي الحلوة بجسمك وحاولي انك تغيري من شكلك للافضلالعضوة: 260940 , 5 years ago
انا حاليا حاسة بهل شعور بس ابدا ما بحسس زوجي بالعكس ...لما لاحظ زيادة وزني قلتلو انو عم بلعب رياضة وعم غير نظام اكلي منشان ابني عضل فطبيعي يزيد وزني وهو اقتنع وصدق عادي😁😂😂😂😂وانا اصلا باكول اي شي طبيعي لا نظام ولا اشي بس عم اعمل تمارين كل يوم ساعة وعم اشرب شاي اخضى ومي بخل التفاح سمعت انها بتساعد للكرشالعضوة: 720804 , 5 years ago
@user-260940 وانا ما نزلت الدورة لما فطمت بنتي الا لما شربت دواء ينزلها فاطمني لا تخافي بالنسبة للوزن نفسك بالضبط زاد وزني وصل 71 وبطني كبر خاصة اني ولدت فيصري فدريت مشكلتي بطني بالحمل الجديد حتى لو شفتها كبيرة عادي فانا حامل هههالعضوة: 574827 , 5 years ago
بلييز بنات شي وحدة تفيدني انا كنت أرضع إبني وأستعمل حبوب الرضاعة لمنع الحمل بس الغريب انو كانت تجيني الدورة وتستمر شي أسبوعين او ثلاثة مش عارفة اذا دورة او نزيف بعدين بعد ثلاث شهور من الرضاعة ابني ما حب يرضع مني وقل الحليب ورجت أخد حبوب منع الحمل العادية بيقولو مع حبوب منع الحمل للرضاعة ما ينزل دم ليش انا كان ينزل ويطول معي المشكلة انا الان حامل في الشهر الثامن وخايفة لما أستعملهم يصير نفس الشيء أرجو تساعدوني بتجاربكم بلييزالعضوة: 688035 , 5 years ago
راجعي دكتورهالعضوة: 260940 , 5 years ago
الافضل مراجعة الدكتور والتمنيع بعد الولادة اما طبيعي او لولب لان الحبوب تعمل خربطة بالهرمونات واذا ااخطئتي بمواعيد تناول الحبوب تأذي نفسك وهرموناتكالعضوة: 260940 , 5 years ago
خههه مابتقصري مع الاسف انا مافي مشروع حمل لاداري فيه السمن والكرش😂😂😂👍العضوة: 574827 , 5 years ago
مشكورة حبيبتي انا بفكر بعد الولادة أعمل لولب هل هو جيد لأني سمعت بنات يقولو يسبب نزيف وحدة قالت اللولب سبب لها فقر دمالعضوة: 535550 , 5 years ago
مو يقولوا الرضاعه تنحف وتنقص الوزن☹️💔 ليش كذا ؟ انصدمت من كلامكم والله يعني قدامي زيادة وزن بسبب الرضاعه قهرررر والله اذا التزمت بالرياضه واكل صحي وفوقها رضاعه واخرتها الوزن يزيد والبطن تكبر🤦🏻♀️💔💔العضوة: 574827 , 5 years ago
صح بيقولو الرضاعة تنحف وتنقص البطن وتساعد في عودة الرحم إلى حجمو الطبيعي انا بعد انصدمت كثير