السلام عليكم ورحمة الله وبركاتة بنات .. ولله الحمد تمت ولادتي في اسبوع 32.6 اي ما قبل 33 اسبوع بكم ساعة بس . من شهر تقريباً نزل معي مي ولم تتوقف وكنت في المستشفى لشهر كامل تحت المراقبة واخذت حقنة الرئتين مرتين .. كان من المتوقع ان ألد مبكراً . قصتي بأختصار .. وانا في المستشفى عادي .. دون اوجاع ودون شي دخلت الحمام الله يعزكم .. ونزل معي دم بكميات كبيرة مصاحبة لكتل .. تم نقلي بعدة دقائق لغرفة الولادة لتتم مراقبتي بشكل افضل .. يا بنات خلال دقيقتين لوجودي بغرفة الولادة وانا اصلاً مش مهيئة نفسياً للولادة قالولي لازم ندخلك غرفة العمليات بأسرع وقت .. دقات الجنين بتهبط ولازم ننقذة .. دخلت غرفة العمليات ربع ساعة بعدها ساعتين لحتى اصحى من البنج . الحمد لله جنيني بخير بوزن مناسب ولكنه في قسم الخدج لأنه انولد قبل الاسابيع المفروضة . اللي صار عندي .. نتيجة نزول الماء تم انفصال المشيمة بنسبة 50% تم النزيف ولو كان في تأخير من البرفسور 10 دقائق كان للأسف لن يتم انقاذ الجنين وكان فيها خطوره على الام ايضاً نتيجة النزيف . الفضل كله لرب العالمين الحمد لله . ولله الحمد محنة وعدت .. ومليون الحمد لله على جنيني أنه بخير والحمد لله البرفسور اللي اشرف على ولادتي اتخذ الاجراء الصحيح بالوقت الصحيح . يا بنات لا تستهنو بأي شيء .. خليكن منتبهات لكل شيء بيصير معكن في فترة الحمل .. والله يقومكن بالسلامة .