يا بنات بقولكم قصة منقوله للفايده انا تزوجت وفرحت زي اي بنت بتكون بيت واسره ..تزوجت واحد ماله غير امه واخوه واخته هو الكبير طبعاً..عشت اول شهرين احساس اي عروسه مبسوطه والحمدالله ..بعدها مسكت شغل البيت لان مافي شغاله بالبيت فطور عشى غدا تنظيف استقبال ضيوف وصلت للمفاطيح اطبخها المشكله مو هنا المشكله بخت زوجي شايله يدها من كل شي اكل ونوم واذا جاء احد لم زوجي يقولون ماشاءالله بيتكم دايم نظيف وسنع كانت تقول حماتي بسلامتي انظف واطبخ وشايله البيت وانا جنبها ماقالت فلانه سكتت وكلت امري لله وهذي حالتنا انا اكرف واتعب وهي تاخذها بارده بالكلام مرت السنوات وانا ع هالحال تزوج اخو زوجي وفرحت قلت تجي وحده تساعدني..مرت شهور الزواج بس يافرحه ماتمت طلعت زوجه حماي متسلطه وقووويه والكل يعمل لها الف حساب وصار كرفي وتعبي ينسب لها من اخت زوجي يعطيك العافيه يافلانه ماقصرتي تعبتي لو تجيب كوب ماء الكل مدحها وشاف معروفها وانا الي شايله البيت ع راسي محد مقدر وكلت امري لله وتعودت على الحال..وتزوجت اخت زوجي وعاشت حياتها بس احيانا تجي تنام عندنا واذا جو حريم قامت تمدح بزوجه حماي شايله البيت مي مقصره وانا اسمع وساكته واتجرع الم الظلم وكل ماصلي اتحسب عليها وادعي ربي ياخذ حقي منها..مرت سنوات وجاها عيال وبنات ولاتغير طبعها ..يوم من الايام جاني ولدها معه هديه قال خاله هذي من امي لك قلت متاكد لي استغربت مو عادتها قلت يمكن لفلانه مره خالك قال لا لك تغيرت اخت زوجي شوي شوي تجينا حزينه وسارحه وتمشي بيتها..اقول لخوها شفييها اختك مو عادتها قال مدري انا ملاحظ ولاودي اسالها جا يوم من الايام الا تدق علي رديت عليها الا تبكي مافهمت ششي ي فلانه وش بك عسى ماشر قالت سامحيني انا ظلمتك وانكرت جميلك وشغلك بالبيت وكنت اضايقك قلت وش اللي خلاك تحسين بالذنب توك سنوات وانا اكرف وتشوفين بعينك وتاكلين من طبخي ومع هذا تنكرين تقولين انا او زوجه فلان للعلم انها ماتمسك شي وان اشتغلت شلتوها ع روسكم كله خوف منها ومن لسانها قالت اسالك بالله انتي تدعين علي ؟قلت لي ٦ سنوات ادعي وكلت امري لله وقلت ربي ماراح يخذلني لو بعد سنوات قالت وربي استجاب لك وماخذلك انا طلع عندي سرطان وايامي معدوده تكفييين سامحيني ابي اموت مرتاحه قدامي قبر وراح يحاسبني ربي على كل صغيره وكبيره وتبكي وتترجى تقول كنت احسب اني قويه كنت ظالمه بس وش بيواجهني بالقبر سامحتها لوجهه الله وكسرت خاطري وهي على فراش الموت..ماتت وتركت وراها اطفال حسيت بالذنب لاني دعييت عليها بس اللي شفتها منها اجبرني ..فهذي قصتي لكم اتقوا الظلم اتقوا النكران لو بشي بسيط كلنا ميتين وراح نسال عن كل شي اخت زوجك مره اخوك جابت لك كوب مويه سوت لك فطور عشى ..اشكريها حسسيها انك مقدره تعبها يعطيك العافيه ي ام فلان ماقصرتي تسلم يدينك صدقوني الدنيا زايله وراح نحتاج حسنات ونحتاج من يدعي لنا ويذكرنا بالخير مو يدعي علينا والله لايسامح كل ظالم وظالمه او ناكرين معروف لحد..ربي ينتقم منهم بالدنيا قبل الاخره ربي يسلط عليهم الي اقوى منهم ''انشروها تكفون يمكن تصحي احد من غفلته ترى الدنيا رايحه محد اخذ شي غير عمله هذي قصتي كامله ودعواتكم لي ولخت زوجي بالرحمه وربي يسامحها ويغفر لها اقروها 💔