العضوة: 561603 , 5 years ago

أنا ولدت فيه قريب وما انصحك بصراحة مو على المدح اللي وصلني خاصة الطوارىء اغلبهم افريقيات والمعاملة سيئة واستلمتني وحده افريقية تنافخ عشان موية الجنين انفكت وغرفة التنويم مشتركة وازعااااااااج والولادة قالوا مافيه الا دكتورتين وماراح يولدوني عشان عليهم زحمة جابوا لي قابلة ماليزية بس هي الوحيدة الكويسة ماشاءالله تعاملها حلو وخفيفة دم وماخوفتني وقت الولادة وخاصة اني بكرية بس وقت الولادة كل شوي داخلين على النيرسات ويسولفون وانبهه القابلة انو تطلعهم ويطلعون ويجون دفعة ثانية كأنها استراحة مو غرفة ولادة طبعا ممنوع تدخلين معاك شنطة ،،، بس انا خذيت لبس للبيبي وقبعة وقماط حطيتها في شنطة اليد حطيت فيها شال لي وشرابات وملابس داخلية لانو اللي يوفرونها ضيقة مع اني نحيفة بس اصغر من مقاسي،،، اما الشنطة اللي فبها اغلب الاغراض فرفضوا يدخلونها واللبس اللي يفرونه للبيبي منتف وحالته حالة لا وملبسين بنتي لبس سماوي قلت ابي وردي وماوفروه الا ثاني يوم والبيبي على طول عندك تطلعين من غرفة الولادة وهو معاك الى غرفة التنويم وانتي اهتمي فيه بس اول يوم النيرسات يغيرون له وترى الرضاعة طبيعية ووقت شفت بنتي ماتشبع من صدري قلت عطوني صناعي قالت النيرس ممنوع واتاريها كذابة يوم فتحوا الحريم الستاير اللي بينا الا كل وحده معطينها حليب صناعي لطفلها بشكل عام ماحبيتهم والناس مطيرينهم في العجة من المدح

العضوة: 549971 , 5 years ago

كيف يعني مايدخلون شنطتي!! طيب حتى بعد الولادة يرفضون ؟ وو عادي مرافق؟ او ممنوع ؟ والزيارات عادي ؟ وجربتي ابرة الظهر ؟ ياربي يعني يلبسون الاطفال ملابس مستخدمة 😩 استغفر الله. الله يعين يارب وييسرها ويهونها

العضوة: 549971 , 5 years ago

بنات من ولدت فيه قريب ؟ او تعرف احد ولد فيه ؟

العضوة: 561603 , 5 years ago

لا مايدخلون الشنطة بس انا نبهتني وحدة في الانستقرام وقمت حطيت الضروريات في شنطة اليد ومن ضمنها ملابس البيبي وشال لي وشرابات والباقي في الشنطة الكبيرة اللي رفضوا يدخلونها طبعا كلنا نفس النظام سواء اللي داخلة من الطوارىء او اللي داخلة تنويم ،،، بس وحدة شفت معاها شنطة كبيرة واتوقع دخلتها بواسطة اما مرافق فمستحيل اصلا الغرفة ماتكفي ضيقة يدوب يحطون بجنبك كرسي وحتى الزيارات ممنوعة وازيدك من الشعر بيت انتي اللي تخلصين اجراءات خروجك تخيلي انا بنتي كانت في الحضانة قلت خلوا ابوها يدخل قالوا ممنوع فاضطريت كل شوي اروح للحضانة عشان اجراءات خروجها تعب مررررررره مررررره وكل مره ادخل الحضانة لازم تعقيم ولبس خايفين من كورونا ويوم طلبوا اثبات زوجي طلعت له الشرطية لحد البوابة وعطاها الاثبات وبعدين انا خلصت امور خروجي وجابوا لي كرسي وودوني للبوابة وبنتي يدوفونها على سريرها زوجي ماخلوه يدخل ابداااا اي جربت ابرة الظهر ممتازة انصحك فيها اللي عطاني دكتور اتوقع باكستاني نفسيته خايسه وكله يهاوش بس الحمدلله ماصار معاي مضاعفات وصداع ومدري ايش اما ملابس الاطفال ايه يطلعونهم بملابسهم اللي عندهم هي مغسلة ومنظفة الملابس بس منكرفة من كثرة الغسيل

العضوة: 582245 , 5 years ago

@user-561603 يالله خوفتيني وانا بولد فيه 😭😭

العضوة: 283807 , 5 years ago

رفع

العضوة: 561603 , 5 years ago

لا تخافين انا ولدتني قابلة وكانت شاطرة ماشاءالله بس مشكلتي مع الغرفة المشتركة ومع الطوارىء اذا رتبة زوجك من الضباط مو الافراد فاطلبي غرفة خاصة واذا رفضوا حاولي تاخذين عرفة بفلوس اللي هي تبع مركز الاعمال عاد ما ادري كم سعرها بالضبط اما اذا نومك ثقيل فخلاص خذي الغرف المشتركة😅 انا عن نفسي ماقدرت اتحمل بس اللي معاي في الغرفة عادي متأقلمين عالوضع

العضوة: 576628 , 5 years ago

انا زوجي عسكري وولدت فيه مرتين الناس فعلا معطينه اكبر من حجمه الممرضات انتي وحظك بس الاغلب نفسيتهم شينه مره وبالنسبه لبعد الولاده فعلا غرفه مشتركه وازعاج وممنوع الصناعي لازم يرضع من صدرك والبيبي يجيبونه عندك وابره الظهر انتي وحظك بعد احيانا يعطون واحيانا لا يكون زحمه ومايعطون والله يسهل يارب

العضوة: 576628 , 5 years ago

وبالنسبه للمرافق ممنوع حتى بالقيصري