مرحبا بنات شفت طابين بحركه تحديد وقت الزيارة. يعني ارسل بشارة اني ولدت للناس وبالمره اكتب لهم الزيارة مثلا الاثنين والثلاثاء والخميس من الساعه كذا لكذا. انا قلت لامي وزوجي على الفكره قالوا لي عيب🤔 عيب نحدد للناس متى يزوروني. بس والله اشوف كثير صايرين فيها. ومافيها شي. انا تعبت بنفاسي الاخير. من قبل العصر الى الساعه ٢ بالليل ما اقدر انام ولا ارتاح. واذا راحوا بيوتهم يصحى ولدي واسهر معاه ما انام ولا ارتاح. لو ماعندنا ضيوف وفاضيه بالنهار كان خليته عند امي او اختي ودخلت نمت لي شوي. بس ماتركولي مجال. تخيلو كنت بكريه واستحي ارضع قدامهم. حتى الحمام لما اقوم اخاف يبقع على ملابسي من ورا واستحي اتحرك يشوفوني. ناس داخلين وناس طالعين. وكثير يكونو اصحاب ماما او جيرانها ما اعرفهم شخصيا. وزوجات اصحاب زوجي ما اعرفهم يزوروني لاول مره. مدري حركة تحديد موعد الزيارة تشوفوها مقبوله عرفا؟؟؟ كمان بطلو موضة السرير في غرفة الضيوف صارو يحطو كرسي نفس كراسي الحدائق والهزاز اللي شبه متسطحه تجلس عليها الحرمه الوالده وشوي تدخل جوا. والبيبي كمان ما يطلع للاغراب. او انها تجيبه يسلمو عليه وترجع تدخله جوا. انا صار لي موقف ولدي كان عمره اسبوع وباسته وحده مزكمه ومعاها انفلونزا من فمه وبس تبوس فيه وبعدها ولدي زكم ولانه صغير ماتحمل الزكمه نزلت لصدره وجاه التهاب رئوي وتنومت معاه بالمستشفى وهو ماكمل شهر. انا حابه الحركه ان اللي يزورني يجيني انا مو للبيبي. الا طبعا الاقارب عادي اقدر اقول لهم ممنوع التقبيل والبوس على الفم. بس الاغراب صعب افرض عليهم شروطي او اقول لا تبوسوه. بس باخذ رايكم لان شفت بنات بالاستقرام كثير طابين بالحركه ويقولو السرير صار موضه قديمه.