يسعد مساكم بنات ،، ولادتي ب طفلي الاول كانت ب نهاية الثامن يعني جاني الطلق وكان الضغط عندي مرتفع وانا ملاحظه خلال حملي ان جسمي متنفخ وحتى رجولي مرره متنفخه ويوم جاني الطلق مع ارتفاع الضغط قالت لي الدكتوره ان معي تسمم حمل وان لازم ينزلون ضغطي قبل الولاده وتدرون مع الم الطلق ماكان يساعد ان الضغط ينززل ف عطوني ( ابرة الظهر ) عشان الم الطلق يخف وينزل الضغط عندي شوي شوي واستقرت حالتي ،، لككككن اثناء الولاده مو عارفه اضغط عشان البيبي ينزل لاني مخدره نصفي ف علق نص راسه فتره واضطروا يضغطون بقووه ع ضلوعي عشان يطلعون البيبي 💔 عورتني كثير هالحركه ضلوعي تالمت منها فتره طويله لين طابت ، وحتى راس البيبي طلع طويل شوي من فوق لانه انضغط فتره، ع العموم البيبي سليم الحمدالله مع اني ولدته ب اول يوم للتاسع يعتبر ، وحطوني ب غرفه عنايه مركزه يوم كامل تحت الملاحظه واموري كانت كلها تمام 🤲🏻♥️ حمدالله واجهت صعوبه بالمشي وصعود الدرج اول ثلاث ايام بسبب تخدير ابره الظهر ،، حتى كانو مركبين لي قسطره لان ماقدر اقوم للحمام ف ماانصح بهاا ،،