اول شي الحمد لله على تمام النعمة واكتمال المنة ، انتهت مرحلة وهن على وهن بخير وسلام وجبت أحلى بنوتين الله يحفظهم ويحماهم واشوفهم فأعلى المراتب يا رب. ربي اكرمني فأول حملي بتوأم وطول الفترة كنت حريصة على تغذيتي ودايرة بالي كثير على حملي لغاية يوم الولادة. الدكتورة حكتلي ان التوأم غالبا بينولدوا فالاسبوع 35 او 36 انا ضليت ل38 و5 ايام بحكم اني اخذت مثبت فالشهر الثاني وزوجي ماكان معاي يعني مافي جماع. يوم اجا صار الجماع وبعديه مباشرة بلشت احس بألم خفيف اسفل ظهري وبالليل عالساعة وحدة انتظم الألم كل 5 دقايق وزاد الوجع ضليت للساعة ثلاثة رحت عالمستشفى قالولي مش حالة ولادة لأن الرحم فاتح بس 1 سانتي وأنا الوجع بيزيد علي خلوني عندهم لأن وضعي بيختلف عشان توأم وضليت 10 ساعات والرحم يا دوب فاتح 4 سانتي بعديها عطوني ابرة طلق صناعي واشتد علي الوجع بعد ساعتين وطقو مي الراس لأنها مانزلت عليوبعديها الله يسر أموري وقدرت أولد طبيعي الحمد لله. أهم شي المقبلات عالولادة اثناء الطلق والوجع ادعوا ربنا كثييير واقرؤوا سورة الانشقاق وبلاش الصريخ الكثير لان الجهد والطاقة بتروح منكم وخذوا نفس عميق شهيق وزفير والله يسر ولادتكم وتقوموا بالف سلامة يا رب. رح تنسوا كل الوجع والألم بعد ما تشوفوا البيبي😍😊. الحمد لله حمدا كثيرا 🤲🤲🤲