الحمدلله ولدت امس حبيت اشاركم تجربتي بالولاده المقعديه نزلت المويا خفيف الساعه 10 رحت بعد ساعه للمستشفى. كان الطفل مقعدي لحد وقت الولاده سالتني الدكتوره وش نوع الولاده الي حابتها قلت لها اذا الولاده المقعديه مناسبه لي موافقه بما انه عندي ولادتين طبيعي قالت لي نقدر نولدك طبيعي وثاني شغله كان وزنه قليل وحجمه صغير بعدين سوت لي اشعه وشافت وضعيه الجنين اذا هي مناسبه والحمدلله كل شي كان مشجع للولاده المقعديه قالت اذا حما الطلق بيدخلوني غرفه العمليات احتياط لو صار اي شي يمديهم ينقذون البيبي. الساعه 1 الفجر بدا الطلق لحد 6 الصباح ولى زاد اضطروا يعطوني نسبه بسيطه طلق صناعيه زياده على طلقي وبعدها اضطروا يفتحون الكيس علشان تنزل باقي مويا الجنين الساعه 11 دخلوني غرفه العمليات وولدت 12 ونص يعني جلست 12 ساعه اطلق انقطع نفسي لما جى وقت الدفع ماكان فيني حيل . كان طاقم مستشفى خالد الجامعي قمه بالرقي والتعاون وحنينين معاي. الدكتوره تقول لي كانت ولادتك المقعديه متعبه وطويله. والحمدلله طلع البيبي بصحه وعافيه مع انه كان شارب شوي مويا بس الحمدلله ع كل حال وضعه مستقر . اعتذر على الطاله و اتمنى انتي تطرق لك النقاط واني افدتكم بتجربتي.