انا دخلت اليوم الشهر التاسع وراح أولد إن شاء الله ببيتي ومافي أحد يقوم بي وأمي كبيره يلا تقوم بنفسها بس تكون عندي بس يابنات ناسيه كل شغل البيت والطبخ
وعندي ولد عمره سنتين يعني الضغط يكون صعب عليها
فاحابه اعرف ايش يمكن اقدر اجهز من الان سواء أعشاب أو أكل الله ييسر لكم علموني ولا تبخلوا على حتى بنصيحه الله يسعدكم😣😣😘
العضوة: 425546 , 6 years ago
ربنا يسهل ليكالعضوة: 41269 , 6 years ago
الله يقومك بالسلامه حبيبتي اول شي اشتري اعشابك من الحين كمون.. شمر.. يانسون.. بابونج اخلطيهم بعلبه واحتفظي فيهم هذا اذا ولدتي ان شاء الله بالسلامه تاخذين منه ملعقتين وتحطينهم بترمس الشاي(الزمزميه) وتصبين فوقهم ماء ساخن وشوي سكر.. وتشربين منه طول اليوم .. جيبي تمر معجون او تمر عادي وشيلي النواه واعجنيه بشوي سمنه واخلطي معاه رشاد واحفظيه بعلبه.. هذا تاكلين منه مرتين باليوم.. الصبح مع حليب والعصر مع قهوه.. .. اشتري حلبه عشان تطبخينها مع الحليب الصبح تفطرين عليها.. اذا ماتحبين الحلبه روحي للصيدليه خوذي حبوب حلبه مالها طعم تبلعينها على طول ومالها ريحه .. سوي الان خبزة بر وطريقتها اعجني طحين بر مع ملح وفلفل اسود وكمون ويانسون وشمر وسويهم خبزه يا بالفرن او بالصاج.. واذا استوى فتتيها واحفظيها بعلب او اكياس وحطيها بالفريزر يصير كل يوم تطلعين كيس وتسخنينها وتضيفين عليها شوية سمنه وعسل وتاكلينها بالعافيه .. قطعي دجاج او لحم قطع صغار وكيسيهم بالفريزر عشان اذا بتسوين شوربه اسهل لك بس تطلعين كيس وبعد قطعي الخضار جزر بطاطس كوسه.. اللي تبين وحطي على قدك بأكياس واحفظيهم بالفريزر للطبخ السريع .. وقت نفاسك كثري سوائل وسلطات ولاتنسين حليب مع فلفل اسود مره مفيد لك وان شاء الله البنات مايقصرون معك تمنيت انك قريبه عندي وانا اساعدك وقت النفاس.. الله يسهل لك حبيبتي ويقومك بالسلامهالعضوة: 356862 , 6 years ago
@user-41269 الله يجزاك خير كفيتي وووفيتي يغلاالعضوة: 356862 , 6 years ago
الخياطة كيف اهتم بها افيدونيالعضوة: 41269 , 6 years ago
الخياطه فيه غسول اسمه بيتادين الاخضر تحطين شوي منه بعلبه او كوب وتحطين عليه شوي ماء وتغسلين المنطقه فيها.. 3 مرات باليوم (حطيت صورته) وبعد الغسول ادهني الخياطه بكريم ابو اسد الاحمر فيوسيدين 3مرات او كريم ميبو حق الجروح (او يوم ابو اسود ويوم ميبو) ** ونسيت اقولك لاتنسين الحلتيته اشتري شوي وحطيها بعلبه واذا طلعتي لبيتك بعد الولاده خليها عندك وشميها عشان مايجيك شمم واشتري بعد مرّه.. المره تشربينها مع القهوه.. حطي كسره صغيروووونه بالفنجال وصبي عليها قهوه ممتاازه..العضوة: 356862 , 6 years ago
سبحان الله العظيم سبحان الله وبحمدهالعضوة: 378223 , 6 years ago
جيبي شغاله طيبالعضوة: 464681 , 6 years ago
الله يعين الحال من بعضو حتى انا لحالي بس زوجي معي ومحد رح يقوم بيني بس الله معاي ان شاء الله متغربين وعالله انا بتذكر امي بتعطي اختي الصبح فطور بيض عيون تساويه بسمنه عربيه تكون ضان او بقر وكاسه حليب معها معلقه سمنه والغدا كبده كانت شوي او حميس وتلبسها هدوم كثير وجرابات حتى اذا كان الجو حار، 🤣 وتغليلها اعشاب حلبه ومابعرف شو كمانالعضوة: 356862 , 6 years ago
@user-378223 مقدر أجيب شغاله لان ضروفي ماتسمحالعضوة: 356862 , 6 years ago
@user-464681 الله يعين ربنا يسر لي ولك يا ربالعضوة: 349272 , 6 years ago
والله مو سالفة ظروف في مبالغه باسعار للخدمات وبالاخص الي بالشهر لفتره النفاس يعني اقل وحده تأخذ بالشهر ٢٢٠٠ طيب حتى مالها اقامه وفوق ذا كله ماتطلع معاي لمدينه ثاينه وانا محتاجتها بس عشان النظافه والغسيل والمطبخ ما ابغاها تطبخ ولا تهتم ببنتي ولا بالمولود ومع كذا السعر مبالغ فيه لانو بس راح اخذها وقت نفاستي ولا راح يكون عندي زوار بحكم الاقارب بمدن ثاني سوا اهلي او اهل زوجي فما ادري ليه هالمغاله وحتى المكاتب زي راحه ثلاث اشهر ادفع لهم ١٠٧٩٠ طيب ليه 💁🏻♀️💁🏻♀️العضوة: 356862 , 6 years ago
@user-349272 فعلا هذا الحاصلالعضوة: 457276 , 6 years ago
سوي لك قدر عصيده تمر وخليه بالثلاجه لاجعتي سخني على قدك وحطي فوقها ا فلفل اسود وسمن او زبده وسخنيها لذيذه وتدر الحليب الصبح سوي لك كاسه حليب وحليها بحلاوه طحينيه كمان تدر الحليب ومثلا سوي لك شوربه لحم كميه وحطيها بالثلاجه وسخني منها وتولدي بالسلامه يارب هذا اللي جا ببالي💕