السلام عليكم بنات انا مرا محتاره والحمد لله على كل حال انا اخر دوره ٣٠ /٥ بس حصل الحمل ٢٤ او٢٣ /٦ انا قبل ٢٠ يوم روحت للدكتوره تقولي انتي في( الأسبوع الخامس و٤ ايام) وبعدها بأسبوع روحت لدكتوره ثانيه تقولي وورتني السونار انتي( بالأسبوع السادس ويوم واحد) ومافي نبض وقالتلي حملك ضعيف وتنزل عليا افرازات بنيه الله يكرمكم كتبتلي مثبت حبوب مرتين باليوم ودسبرين ٨١ اما الفوليك انا من قبل الحمل بستخدم الحمدلله المهم قالتلي تعالي بعد ١٠ ايام نشوف النبض روحت قبل امس بعد ١٠ ايام الحمدلله فيه نبض بس خفيف ضعيف ع حسب عمرو مو مشكله بس انصدمت انو لسا (عمرو ٦ اسابيع و٣ ايام) يعني زاد حجمو يومين في ١٠ ايام بسسس عملتي دي المرا سونار مهبلي عشان تتطمن ونتأكد قالتلي لاتشيلي هم ان شاء الله يكبر حجمو تعالي بعد ١٠ ايام نشوف كيف الحجم تقولي النمو ضعيف الله يسعدكم بنات قولولي مين سار معاها كدا الله يسعدكم طمنوني انا اول مرا احمل وماعرف اسفه طولت عليكم