سلام عليكم دورتي تكرمون كانت يوم ٢٧ يناير مالكم بالطويله امس قمت شطفت البيت وغسلت ملابس عيالي ومعطباتهم ظليت ٦ ساعات اتحرك (ناويه تولد غصب) المهم الساعه ١ بالليل خلصت وتو حطيت ضهري بنام وحسيت بشوي الم اسفل ظهري بحكم عندي انزلاق مزمن وقمت حطيت فكس 😂دوا لكل عله ونمت شوي و صحيت الساعه ٢ع الم خفيف فاسفل بطني شوي راح ورجعت نمت وكل شوي ينغصني هالاآلم واختكم فالله كسوله اهم شي انام الساعه ٣ونص صار الالم زااايد بس اللي خلاني استبعد يكون طلق انه مافي الم بضهري ابد تدرون وش اللي السبب الفكس الآخضر الله وكيلكم سمعني الرجال وانا اون قال ها ننطلق المستشفى قلتله ننطلق مع اني ماتوقع ولاده المهم اخذنا ساعه فالخط والآلم يزييييد وصرنا نمشي ١٦٠ ١٨٠ 😣💔 واصارخ الرحم فتح ونزلت المويه بس الالم كله فالبطن ظهري ولاااا شي سبحان الله والرجال مسكين خاف وصلت الحمدلله كشفت علي قالت مفتوح ٩ سم ولاده 😁 قلت مابي مقص ولكن فالاخير قصت وسوت يمكن ٧ غرز كآنهم لعيني من المهم توجع مره والحمدلله من قبل ومن بعد عقبال الله يفرجها عليكم وتقومو بالسلامه