بنات انا ولدت الحمد لله وبدي احكيلكم قصتي مو مشان تخافو بس مشان تديرو بالكم وتنتبهو على شغلات حتى لو بسيطه بكون الها اثار سيئة جدا لا سمح الله انا كان وضعي سليم وكان البيبي راسه لتحت بس ما نزل بالحوض وحددولي ولادة طبيعيه كان اخر يوم ٩/٣ لولادتي بس كنت انتبه على بطني رافع فوق والبيبي زي الي قاعد بالعرض وكان يضل محجر بطني من فوق وتحت فاضي فكرت الوضع طبيعي لغاية مبارح ٨/٣ صار معي تحجير وشد بطني والم بضهري ووكنت اشرب شغلات بتسهل الولادة واعمل قرفصاء واطلع وانزل الدرج لما اسوي هيك البيبي يحجر فوق بزيادة ما نزل بالحوض ابدا ىالصبح روحت عالمستشفى لانه زاد الوجع طلع التوسع ٢.٥ وبعد بنص ساعه على الساعه ١٠ صار ٣ سم وطلبت ابرة الضهر بس للاسف طلعت ما بتناسب كل الاجسام وما استفدت منها باشي لدرجة اعطوني جرعة كبيرة بتخدر كتير وحطولي طلق صناعي درجة ٤٠ شوفت نجوم الضهر من الوجع بس للاسف البيبي علق راسه وما دخل بالحوض ولولا ستر ربنا وكل الانقباضات والطلق الي صار فيي ما زاد التوسع وضل التوسع ثايت على ٣ سم ولو صبرت كمان ساعه كان الرحم انفجر لا سمح الله من كتر الانقباضات وقوتهم وبالاخير بعد كل هالمعاناه وافقو يعملولي عمليه قيصريه الحمد لله و ولدت بعمليه وجبت ولد الف حمد وشكر الك يارب