من شي ربع ساعة نزل ماء الجنين الساعة عندي 4 الا ربع الفجر استنى للصبح والا روح عالمشفى هلا؟ خايفة يصير شي عالجنين اذا نطرت ما في طلق ابدا ارجوكم ردوا علي #تعديل الحمد لله يا جماعة وشكرا لدعواتكم الطيبة ولدت بفضل الله مبارح بالليل مع انه كان نهار متعب بس لحظة الولادة كانت سريعة سبحان الله بنصحكم تاكلو تمرررررر قد ما تقدرو واشربو مي كثيييييييييير وخاصة هلا الجو بلش يصير دافي لما اجيت اللفجر كانت نازلة مية الراس ولونها اخضر قالولي الجنين متبرز بالرحم وع اساس كانت ولادتي بالمي وما خلوني عشان ما يصير التهابات الي وللبيبي المهم عطوني مضاد التهاب تحسباً ومحرض لأن ما صار طلق والرحم فاتح اصبع واحد فقط وظل هيك للمسا وصار الطلق يقوى والرحم مسكر تعذبت كثيييييير لفتح 4 ونص وبعدين نبضات البيبي خفت وخافو عليه وسحبو دم من راسه وهو ببطني وفحصوه وكان سليم الحمد لله طبعا بما ان الطلق كان صناعي كان مؤلم بشكل فظيع وعطوني مسكن الم ما فادني بشي وكمان جربت غاز الضحك وما استفدت شي والالم يزيد وما ظل عندي طاقة واخر شي قالولي عشان صحة البيبي اما بختار ابرة الظهر او قيصرية طبعا اخترت ابرة الظهر لانو ولدانة مرتين طبيعي وبكره العملية والحمد لله بعدها بنص ساعة ولدت وانتهت المعاناة اسفة طولت عليكم بس حبيت احكيلكم شو صار معي عقبال كل وحدة فيكم تقوم بالسلامة والله يفرحكم بشوفة اطفالكم ويمتعهم بالصحة والعافية 🌸🌸🌸