مرحبا .. انا حامل بالشهر السادس وهاد اول حمل الي الحمد لله وقالو لي بنت.. انا الحمد لله مبسوطة كتير لاني احب البنات ودايما كنت اتمنى انه يجيني بنت.. بس زوجي من ما عرف اني حامل ما حسيت انه مهتم وملهوف وبس عرف انه بنت برضو ما فرقت معاه يعني ماخذ الامور بشكل عادي جدا وحتى اقل من عادي كل فحوصاتي ومراجعاتي اروحها لحالي ما عدا فحص واحد اجا معي لانه كان بمحل بعيد وبعد ما ترجيته مليون مرة وعصبت عليه .. وعدا عن هيك لما بديت اجهز واشتري لها ملابس ما حسيت انه عاجبه الاشي .. انا كتير متضايقة وخصوصا انه هاد اول بيبي و حاسة ان بكرا لما تيجي البنوتة بالسلامة ما رح يهتم فيها وخصوصي اني سمعت منه انه ما رح تفرق معه .. ما رح يحملها او يلاعبها .. بيقول هذي مب وظيفته.. مين كان زوجها هيك وبس ولدت تغير وصار يحب المولود ؟