العضوة: 37797 , 9 years ago

انا كنت ع اساس طبيعي وبعدين اتحولت عمليه كنت جايبه معي قميص بيبي دافي ما راح ترتاحي بالبيجاما

العضوة: 47177 , 9 years ago

@user-61054 اكيد قميص طويل ياقلبي عدد اثنين وخذي معك فوطه ومعجون أسنان ومشط وشامبو وللبيبي خذي كم قطعه غيار مع بريتوز ولفه ولاتنسي لهاية البيبي ومرضاعته اذا ناويه ترضعي صناعي ومسحات تنظيف البيبي والبودرة هاذا الي يحضرني الان

العضوة: 25023 , 9 years ago

اذا مقررين عملية لاخدي قميصين عشان مايضغط على البطن واذا شفتي مو مرتاحة خدي كمان بيجامة احتياط. طبعا خدي الك ملابس داخلية مريحة وفوط ومزيل عرق وفرشاية شعر ومكياج بسيط اذا حبيتي وخدي جرابات قطن يمكن تبردي وخدي سلبير عشان تمشي وخدي الله يكرمك حفاي بلاستك للحمام وخدي منشفة وبشكير اذا تحممتي هاد وخدي عباي او ملابس لطلعتك من المستشفى

العضوة: 25023 , 9 years ago

بالنسبة للبيبي خدي غيارين كاملين ( كفولة وافرهول وتبان وطقية ومريلة ) وحرام خفيف وكوت عشان تحميليه فيه لما تطلعي من المستشفى او حرام تقيل تلفيه فيه ورضعة وحليب وترمس للمي السخنة اذا مابدك ترضعي طبيعي او مافي داعي لانو المستشفى رح ترضعو

العضوة: 61054 , 9 years ago

@user-37797 يسلموو ميس العمليه كتير صعبه الله بعييين 😧

العضوة: 61054 , 9 years ago

@user-47177 يسلموو غلا .. بس مش بدري ع اللهايه ؟ وانا ناويه ارضع طبيعي ان شاءالله

العضوة: 61054 , 9 years ago

@user-25023 يسلموو ام فيصل كنت ناسيه الميك اب ولازم يكون خفيف 😃

العضوة: 61376 , 9 years ago

صباحو حبيبتي لا تعجقي حالك كتير قميصين طوال مع داخلي الك مشط وشامبو وعطر وازا ميكب خفيف بس انتي مو رايحة تقعدي كتير بشكير ما بيلزمك لانو العمليات ممنوع تتحممي اول فترة بس تغسيل البيبي خذيله بديين داخلي كباس وكمين كباس وتبانين سدارة فوط كفليه وحرام وفوط الك والو وفش داعي للهاي لسا بدي خلي يشم سدرك ويتعود عليه

العضوة: 61054 , 9 years ago

@user-61376 يسعد صباحگ .. يسلموو يا ورده كنت كمان حابه اعرف احسن مستشفى خاص بعمان وفي عنايه منيحه ..

العضوة: 61376 , 9 years ago

@user-61054 انا راح اولد بمستشفى هبه هاي ثالث ولادة الي كتير نضيف وعناية منيحه

العضوة: 25173 , 9 years ago

بدك تحطي حفاظات للبيبي وكمان الك وغيارين للبيبي يكونن دافيات وطاقيه صوف للبيبي وحرام صغير وببرونه لانه احتمال ما يرضع منك مباشره او ما يشبع بس حليب وماء مغلي في المستشفى فاين معطر وعادي. ومرهم الك لتخفيف تشقق حلمة الصدر بعد الرضاعه اسمه بيبانثين بدك حفايه بيتيه وكمون للنفاخ وقميص طويل 2 لانه البجاما بتضغط ع العمليه الك وغيارات داخليه وغيار تروحي فيه غير اللي كنتي لابستيه وشاحن لموبايلك وهايجن (معقم) ومشط شعر وفرشاة اسنان ومعجون اسنان ومنشفه ومكياج لتحطي بعد الولاده لازم تكوني مرتبه ومرهم ميبو عشان العمليه انشاء الله ما اكون نسيت شي

العضوة: 61054 , 9 years ago

@user-61376 مستشفى هبه الي بجبل الحسين ؟

العضوة: 61054 , 9 years ago

@user-25173 يسلموو اماني تعبتك معي في شغلات ضروريه زكرتيني فيها شكراً كتيرر 😚

العضوة: 61376 , 9 years ago

اه يلي بجبل الحسين

العضوة: 47177 , 9 years ago

@user-61054 بلعكس خاصه اذا رضعتي طبيعي الحليب ينزل خفيف فيبي شي البيبي يلهييه