السلام عليكم طبعا انا من الثامن وانا امشي كل يوم اقل شي نص ساعة وشقتي في الطابق الثاني في طبيعي بنزل ويركب درج ومن بداية التاسع كنت اتمرن على جهاز في البيت وكنت اتنقع في اليوم ٣ مرات في الماي الحار واكل اكثر من من ٧ تمرات واشرب خلطة من زنجبيل وقرفة وملعقة عسل واشرب منقوع الزعتر ومنقوع تمر اسوي القرفصاء تحت الماء وكل هذا جابت لي طلوق كاذبة وزاد علي الطلق في الاسبوع ٣٨ وكان كل ٥ دقايق رحت المستشفى كشفت علي قالت فاتح واحد سانتي بس والطلق خفيف مو قوي وطلعت من عندهم وثاني يوم الصباح نزل علي افرازات مع دم نزلت السدادة والسبب الكشفية وضليت طول الاسبوعين يجيني طلق لكن مو منتظم لين وصلت الاسبوع ٣٩و٥ ايام تقريبا كان يوم الأربعاء يوم الشك كنت صايمة وجاني وجه من الساعه ١١ الظهر وكان كل ١٠ دقايق ومنتظم تحملت الوجع وصرت اطبخ عشان انزل اتفطر مع حماتي وبعدين رحت الكوافير وخليتها تنظف جسمي بالشمع وجاء وقت الفطور تفطررت مع حماتي وانا متحملة الوجع ومانمت لين يوم الخميس الصباح قلت لزوجي لاتروح للعمل وديني المستشفى شكلي راح أولد ورحت المستشفى على الساعه ٧ بعد هذا الوجع كلة قالت فاتح ٢ونص وخلوني عندهم لين فتح ٣ سم الساعهو٢الظهر جت دكتورة باكستانية قالت يا ماما انتي فاتح عندك ٢ سموفقط روحي البيت وتعالي بعد الفطور ورجعت البيت وانا اتالم واون بصوت خفيف من الوجع وبعد الفطور اتنقع بماي دافئة ورحت المستشفى على الساعه ١٠ الليل وفحصتني قالت فاتح ٣ فقط وظليت صابرة ومتحملة وخايفة لين فتح عندي ٥ الساعه ٦ الصباح يوم الجمعة وكنت اسمع صوت الي جنب تولد وتصارخ وطاح قلبي بالأرض خففففففت اقول لزوجي لا مابغى اوصل لهاذي المرحلة ومن خوفي طلبت براة الظهر وأخذت براة الظهر وخففت علي الوجع وووواجد وشوي شوي اختفى الالم ونمت. شوي غفيت وعلى الساعه ١١ الظهر جات الدكتورة وفتحت كيس الماي وحطو لي طلق صناعي عشان ينفتح الرحم لان ظل فاتح ٥ ونص ولا رضى يفتح اكثر وانا كلما راح مفعول البنج اطلب جرعة ثانية لين جت الساعه ٥ ونص راح مفعول إبرة الظهر قلت لها ابغى جرعة ثانية فحصتني وقالت انتي فاتح عندك ٩ وخطير نعطيك الحين جرعه .. وزادو لي جرعة الطلق الصناعي وهناةبداء عندي الالم وإنا دموعي تطيح واتوجع بس هم اعتبر صابرة ..لين صار الوجع مايوقف ولا دقيقة صارت دموعي تطيح ب وأبكي مثل الاطفال اقول لزوجي خلاص نادي الدكتورة الم الطلق مايوقف والدقيقة وانا احس بدفع الجنين خلاص مو قادرة اتحمل نادى الدكتورة وفحصتني قالت له خلاص اطلع برا ولادة هنا زاد الوجع وصرت انا أصيح بصوت عالي من قوة الوجع ووحاولت ادفع مثل ما يقولو لي وانا ماعرفت ادفع وكنت اصارخ من قلب طلع راسة ووقف وبعدين ضعف نبضه والدكتورة وسعتني سوت لي شق وصل لين فتحت الشرج وصارو ثنتين يضغطو على بطني والدكتورة دخلت يدها وطلعت ابني ولدت الساعه ٦ و٢٠ دقيقة في يوم الجمعة ثاني يوم من رمضان بنات انصحكم لاتخافو مثلي ترا كان الوجع صحيح قوي جدا لكن نقدر نتحملة بس طلعت الراس الي ماتحملتها انا لو ما سمعت صراخ الي جنبي ماكان ما اخذت براة الظهر الحمد لله رب العالمين على النعمة