السلام عليكم حبيباتي .. انا ولدت يوم سبت و هلأ بدي احكيلكم كيف كانت .. اول شي رحت ع دكتورة تعملي فحص داخلي تحريض .. و صار عندي توسع واحد و نص .. بعديها بلش عندي تقلصات بالرحم لمدة يومين بنتظم و برجع بخربط ..حكيت لدكتورتي يللي رح تولدني .. حكتلي .. اني اتعشى بالليل عشا منيح و الفجر اشرب عبويتين زيت خروع و ساعة 7الصبح اكل 6حبات تمر و اروحلها عالمشفى. .عملولي فحص داخلي .. لسا التوسع واحد و نص و بسرعه صار 2 ..و عادوا الفحص كمان مرة صار 3 و دكتورة اجت و نزلت مية راس و بعديها بسرعة حمي الوجع صار يجي كل دقيقتين .. بلش الساعة 11الظهر لل4 نص 5العصر ... ضليت اطلق .. و لانه كان تنفسي غلط كنت بطلع الاكسجين بس ما عم بشبع الرئتين هوا .. صار عندي نقص اكسجين و نبض الجنبن ضعف .. اعطوني مسكن لما صار التوسع 5 و رجع اعطوني كمان مسكن لما وصل 6ونص .. بعديها زااد التوسع ل8وانا تعبت كتيير .. و بعديها عملولي الفحص كمان مرة صار 9ونص و دخلوني ولادة .. و انا شدت ع حالي كتير .. و شفطوه بشفاط .. و طلعوني من جوا .. صحيت من البنج ع طول ما نمت و فتت ع غرفتي الساعة6ونص ضليت ل7المسا و جابولي ابني و نسيت كل الاوجاع يللي صارت .. الحمدلله و شكر لله .. فعلا ساعة منسية ..الله يقومكم بسلامة انتوا و البيبات 💗💗💗