صباحكم سعاده دورتي كانت 24-7 ميلادي 1-11 هجري دخلت تنويم يوم الاربعاء وعمليتي الخميس طبعا التنويم عادي وصمت الساع 12 والساع 7 ركبو لي القسطره والساع 8نزلوني العمليات وبالضبط خدروني 8 ونص وطلعت لغرفه الافاقه طبعا ماافتكر كثير غير اني انام واصحى الالم مو قوي بس طبيعي يكون في الم وطلعوني سريري الساع12 الظهر بعد ماتاكدو مني انو صحيت بنتي دخلونا عنايه المركزه الرضع ليش ماكنت عارفه لمن صحصحت سالت امي وزوجي وين بنتي قالو بالحضانه المركزه لانهم لمن طلعوها مابكت وعندها ضيق تنفس بسيط مازرتها اول يوم طبعا لان فيني قسطره فكو يوم الجمعه القسطره بالصباح وقالو امشي واشربي سوائل فقط بالبدايه طبعا المشي متعببب جدا بس حمدلله مشيت كم خطوه ووقت الزياره شفت بنتي حاطين لها حديده صغيره بفمها وقالو لو رضعت وطلعت نتايج تحاليل مزرعه الدم سليمه حنطلعها لك زرتها اليوم التاني حاطين لها جهاز يقولو معاها صفار بعيونها يعني كل يوم بيطلعو مشكله وجلست من الخميس الى اليوم الاثنين بنتي عندهم ولمن طلعت النتايج طلع ماعندها اي شي من اللي قالوه ،،، حسبي الله ونعم الوكيل في اهمال المستشفيات الحكوميه انجبرت بحكم دراسه بنتي انو اولد بمنطقه سكني وللاسف مستشفى زفتتتتتت نصيحتي للعمليلت اول سوائل تشربونها كمون ويانسون بدون سكر عشان تطلع الغازات ثانيا المشي ثالثا من خامس يوم نامي ع جنبك لان ظهرك بيكون متعب خلاص من النومه عليه والحمدلله ع كل حال وعقبال الكروشات تقومو بالسلامه