انا بكريه وبالأسبوع ٣٧ كان عندي موعد متابعه بتاريخ ١٧ ذو القعده رحت وشيكت وقالوا بالسونار البيبي وزنه ٣٥٠٠ وان كل شي تمام المويه الدم وكل شي لكن مقعدي ارجعي لنا بعد اسبوع نشوف اذا نزل ولالا واحتياط خوذي ابرة حديد عشان ترفعين الدم من بكرا اخذت الابره وليتني مااخذتها 😭😭 جاني مغص على جنبي شديد بعد ماخلصت المحلول وكلمت الدكتوره وفجأه قامت تطلع لي أسباب كثير عشان تولدني بكرا قالت موية الجنين قليله جنينك كبير مايقدر ينزل تحت ! عندك تكلس بالمشيمه لازم بكرا تولدين ( عمليه ) قلت بس يا دكتوره انتي امس تقولين كل شي تمام وبعطيك مهله اسبوع اذا مانزل نشوف حل اخر علما بان تاريخ الولاده المقرر لي ٨ اغسطس قالت ماينفع تأخير وصارت تخوفني بالكلام قالت تعالي بالليل عشان تدخلين ترقيد ! رحت وكان عندي امل اني مااولد اليوم كان بخاطري اخلص فترة الحمل كامله وابي طبيييعي لكن بعض الدكاتره يرون اشياء ثانيه او قد تكون اهدافهم ماديه لان العمليه اكثر فلوس من الطبيعي دخلت ترقيد تاريخ ١٩ ذو القعده وجالسه ادعي ان شاء الله مو ولاده بعد ساعتين جو سوو تخطيط و سونار والممرضة تقول الجنين كويس بس مقعدي وجلست بالغرفه لحد الساعه١٠ وبعدين شالوني على غرفة العمليات وانا من حملت ماكنت احس باي الم او مغص يعني الوضع تمام بس هم يبون يولدوني سألت الطاقم هناك تبون تشيكون علي مره ثانيه ؟ تشوفون الجنين قالوا لا خلاص كفايه سوينا لك مره وحده بالليل قلت يمكن تغير قالوا توكلي على الله والدكتوره حقتي اول مادخلت للغرفه تسأل انتي كاش او تأمين.؟ > هذا وقته بالله و نفسيتها خايسه مره وتهاوشني تقول لا تخافين الحمدلله والشكر وش فيك كذا > تحسب نفسها تهديني مادرت انها تزيدني بتاريخ ١٩ ذو القعده طلعت بنتي بالسلامه صغييييره وزنها كيلوين و ٧٠٠ والدكتوره كانت تقول ٣٥٠٠ وأنها كبيره ومااتقدر تنزل طبيعي !! جت الدكتوره اثناء العمليه تقول رحمك ذو القرنين عشان كذا البيبي مانزل ^ اول مره اسمع برحم ذو القرنين طوال الأشهر اللي راحت بكل سونار محد قال لي عن شي بالرحم مادري كلامها صحيح او عشان حجه انها ولدتني بدري💔💔 اللي يعرف شي عن هذا الرحم يكتب لي تحت💔 وبعد الولاده لاحظت بطني كله دخل 🤭🤭يعني مافيه اَي كرش لكن من بكرا طلع بطني وكرشتي استغربت كيف اختفت يوم ورجعت و بس اصيح من الالم وأصيح ليه ولدوني بدري كان ودي لو رحت طبيبه ثانيه بس ماقدرت واشوف اللي بالتطبيق اللي مثلي حوامل ٣٠ اكتوبر كلهم محد ولد لسه بدرييي حتى ماكان احد حولي اهلي بديره ثانيه جلست بالمستشفى ٤ ايّام عمليتي ليزر وكنت احس بالألم زي الحرق او كأن مويه حاره منكبه ومااقدر اتحرك كنت طول اليوم منسدحه على ظهري وبدون مخده بنجنوني ب ابرة ظهر بنج نصفي ( طبعا دخلت غرفة العمليات وماكنت اعرف نوع العمليه ايش يعني ماعلموني هي كبس او ايش وماشاورورني اذا ابي بنج كامل او نصفي كذا هم اختاروا من نفسهم ) اول يوم تعب مره مااقدر اتحرك وركبوا لي قسطره وفكوها بالليل ومن بكرا الممرضه تقول لازم تمشين اول يومين يعطوني مغذي ومسكن بالوريد واشرب يس سوائل واليومين اللي بعده عطوني بس مسكن حبوب وبديت اكل تروشت باليوم الرابع ولدت بمستشفى خاص وتصدقون بنات للحين قلبي يعورني اني سمعت كلام الدكتوره مادري قلت يمكن لو رحت لغيرها كان ولدت طبيعي و بوقتي يعني بعد ٨ أيام اولد اما الحين صار لي ١٢ يوم والده وعمليه وأحس الحمل الجاي صعب ولازم فاصل سنين كثيره 😭 وهذي كانت تجربتي باول ولاده لي لاتنسوني من الدعوات ياأخواتي و الله يسهل عليكم حملكم ويرزق اللي ماحمل يارب