الحمدلله علي كل حال .. انا آخر دورة ١٦ أبريل المفروض ميعاد الولادة ١٣ يناير .. حصل معايا فاجئة ارتفاع ضغط في اول الشهر الثامن وكان ب أرقام مهولة 😓 الدكتورة قالتلي مش هينفع اولد طبيعي هتكون الولادة قيصري و هتكون اول اسبوع في التاسع ومش هينفع الطبيعي عشان الضغط رغم أن البيبي كان وضعه تمام .. عملت التحاليل اللازمة وكل حاجة كانت تمام رجعت طلبت مني اعيد التحاليل بعد ٣ أيام تاني .. ظهر في التحاليل لما عيدتها نسبة زلال (بروتين ) عاليه اوي الكلام دى انا لسه في الثامن .. اول ماشافت التحليل قالتلي ولادة فورآ 😮 قلتلها ازاي يعني انا لسة فاضلي اسبوع في الثامن قالتلي مينفعش تستني لازم ولادة بكرة الكلام ده كان يوم الأحد.. وفعلا طلبت تحاليل تانية وطلع عندي نسبة الماية في جسمي ٢٦ كيلو 😮😓 طبعا كان كله صدمة ومفاجئة وقلق وخوف روحت يوم الاثنين الساعه٧ المستشفي اتجهزت للعمليات اخدت بنج كلي مكنش ينفع اخد نصفي دخلت الساعه ٨ ونص العمليات بنتي حبيبتي طلعت الساعه ٩ الا عشرة انا فضلت لحد ٩ ونص طبعا متخدرة تخدير كامل ... طلعت مفوقتش من البنج غير بعد ١٥ ساعه .. بنتي فضلت في الحضانة ساعتين .. وبعدين طلعوهالي وزنها ١٨٠٠ جرام 😮😓 وتاني يوم حصلتلي ولادة تانية بس طبيعي بقا . دخلتي الممرضة قيل ما امشي وعملتلي تنضييييييييف داخلي بشكل مريب 😮😓 كان عندي طلق ساعتها وكأنها بتشد بيبي تاني مني 😓 والحمدلله خرجت من المستشفي وبنتي في حضني بس تعبانة شوية عندها الصفراء .. و بسبب الوزن الدكتور كتبلي لبن صناعي مع صدري .. والحمدلله علي كل حال .. وبقا معايا( فريدة ) 😍 ربنا يحفظهالي