موعدي كان الثلاثا طلق صناعي لاني دخلت العاشر بأسبوعين ورحنا ذاك اليوم انا وزوجي قالولنا مافي سرير عشان ننومك المهم بالصدفه قاسو الرحم كان اربع سانتي وماكنت حاسه بشي قالولي خلاص تنويم ولاده عاد طلعوني فوق وماكان في الالام جت دكتوره عندي قالت ماانصحك بالطلق الصناعي بسويلك تحفيز وافك المويا وبيجي الطلق المهم سوت تحفيز وفكو المويا وبدى الطلق يشتغل وصاار حاار مرره واصيح واقول جيبو الدكتور ابغى ابرة الظهر بسرعه عاد بالقوه جا بس شفته كأني شفت العافيه قلت الله يخليك يادكتور استعجل قبل تجي الطلقه الي بعدها عاد قعد يرش على ظهري بشي زي المعقم وضرب الابره في اكثر من مكان ف العمود الفقري وانا احس بالالم بس كان عادي عندي اهم شي افتك من الطلق وجتني طلقه قويه وانا لسى ماتبنجت قالي خذي الكمام وحطي على خشمك وخذي نفس طويل حسيت ذا الشي ريحني بس يجيب دوخه المهم بعد الابره هذي تبنجت بس نص ساعه ماادري ليه 😞 وبعدها يرجع الطلق واحس بالدف بغت تطلع روحي مع ان قالي الدكتوره راح ارتاح بعد الابره حتى اولد بس مااستفد منها الا جاني الم ف ظهري اللحين وادف وادف وادف بلا فايده وادعي واريح شوي وترجع الطلقه وارجع ادف وفتح الرحم في مده بسيطه وصار عشره سانتي وجات الدكتوره قالت دفي بس لاتصيحين واصيح ومره اكتم نفسي شوي الا تقول دفي بسرعه البيبي تعبان😭 واحط جهدي بس كان الراس بعيد عن الحوض وهي ماقدرت تدف نفسها وجابت الاستشاري على طول وحاول ودخل يدينه يبغى يطلعها بلا فايده وقالولي خلاص البيبي تعبان وماراح يطلع الا بعمليه وعلى طول لحفوني ووصلوني غرفة العمليات وانا اطلق وادف واصيح عاد اعطاني ابرة توقف لطلق قلت خلاص بنجوني موضعي بس لما حسيت وهم يشقون بالمشرط ويحاولون يطلعونها قلت خلاص بنجوني كامل مااقدر اتحمل وبنجوني كامل فجأه صحيت الا هم خالصين قلت جيبو بنتي جابوها شوي قعدت ابكي لما شفتها وشالوها على طول والحمدلله على كل حال تعبت بعد العمليه مره وجربت طلق ودف وعمليه ياليت دخلوني العمليات على طول بدون مايعذبوني لانهم قعدو يضغطون على بطني بقوه وانا ادف وجلست اعاني من الم في القفص الصدري اسبوع كامل