السلام عليكم شخباركم امهاتي العزيزات اليوم توني فضيت باكتب قصة ولادتي وانا كنت بكر اول مولود لي انا صار لي فترة ولدت بس ما يمديني اكتب المهم : قبل ولادتي بيوم كان عندي موعد عن الدكتورة كان يوم الخميس وسوت لي تحريض وفتحت ٢ سم ومن اسبوع كله تنزل علي افرازات لونها اصفر لزجة اتوقعها السدادة وعلى موعد ولادتي الحقيقي لحين كان عندي چانس اسبوع بس من رديت البيت حسيت بآلالام قلت ماظن طلق مو حاطه ف بالي نهائيا ان طلق وصليت الفجر يوم الجمعة زاد الالم وانا مستحملته ورقدت بعد ع ألم عاد الساعة سبع قمت ع ألم فضيع كل نص ساعة يروح ويرجع وع طول رحت حق امي ومسكينه امي من جافتني قالت ما شاء الله فيج طلق امبين عليج #عندهم خبرة،، بسرعة اخذي لج شاور وجهزي اغراضج وقعدت زوجي مو مصدق جهز بسرعة ورحت ع المستشفى الساعة عشر ونص ودخلوني بسرعة واكشفوا علي كنت فاتحة ٥ سم ما شاء الله وكنت طالبة ابرة الظهر والحمدلله عطوني اياها وما حسيت بأي ألم للطلق لي وصلت ٩ سم ع الساعه ٣ اهني ياني ألم الطلق قلت لهم لا تزيدون جرعة مخدر ابرة الظهر عشان احس بالالم وادفع عدل وبديت ادفع ادفع تميت مدة ادفع والم فضيع لاني بكر ما عرف و الممرضة والدكتورة ما قصروا يساعدوني ع الدفع والحمدلله ولدت بالسلامة الحمدلله كانت ولادة ميسرة بفضل الله ثم دعاء الوالدين واخواني واهلي للعلم اني من دخلت التاسع ما مشيت الا مرتين 🤣🤣 ولا اخذت ولا شربت ولا شي من اللي يقولونه يسهل الولادة اهم شي التوكل على الله اهوه سبحانه الميسر والمسهل لجميع امورنا لا تحاتون الولادة كلها كم ساعة وترتاحون وتنسون الالم من اجوفون البيبي 😍😍