السلام عليكم كيفكم انا بقولكم قصة ولادتي الولاده سهالات من الله المهم مانطول عليكم تزوجت وعلى طول حملت من اول شهر وطبعا انصدمت لاان توي عروس بس الحمدلله فترة الوحام كانت جدا كريهه مااكل شي بس اكل فواكه نحفت اكثر من عشر كيلو وماصدقت فكني الوحم جتني المراره طبعا سويت حميه معها والحمدلله البيبي سليم وطبعا كنت اراجع بمستشفى الملك خالد الجامعي بالرياض صراحه جدا جميل هالمستشفى صح مواعيده زحمه بس حلو اهون من باقي المستشفيات المهم خلصصت التاسع طبعا اكذب عليكم اذا قلتلكم امشي لا والله مامشيت لاان من يوم دخلت التاسع وانا بس منسدحهه ثقل مو طبيعي بس رقصت وجاب نتيجه 😂👊 وجلست بعد الرقص ٣ ساعات وجاني طلق خفيف طبعا مغص بالرحم وبالظهر يجي ويروح جاني الفجر وكان خفيف جدا نمت وصحيت العصر ولازال موجود ورحت مستوصف وكشفت وقالت الرحم مسكر والراس مانزل بالحوض لازم تمشين 😪😪 ورحت امشي طول اليوم واشتغل بالبيت وجا بالساعه ١٢ فالليل ورحت للمستشفى وقاسوه لي قالوا ٢ سانتي والراس تحت وبنطلعك اللحين واذا زاد عليك تجينا طلعت الفجر وكان عندي موعد الساعه ٩ قلت بستنى واروح موعدي لااني كملت التاسع ودخلت العاشر ضروري اروح جلست للساعه ٨ الم غير محتمل رحت كشفت قالوا ٢ ارجعي لمن يصير ٤ تعالي طلعت ورحت البيت العصر انام واقوم من الالم رحت الساعه ١٢ امشي ورجعت البيت حاولت انام ماقدرت شغلت رقيه شرعيه وجلست ابكي ودعي خلاص احس ماعاد اتحمل ابي اولد وشربت حليب بالفلفل الاسود وتبخرت بالمره وجلست ابكي وادعي ولمن جات الساعه ١٠ الصباح جاني الم فضيع قومت زوجي وكشفت بمستوصف قريب وقالت ٣ سانتي وضروي تروحين المستشفى الراس مرا نازل يعني بتولدي بسرعه قلت طيب رجعت البيت تروشت بمويه دافيه وجهزت اغراضي وظبطت اموري وحاولت اتاخر عشان يفتح زود رحت المستشفى الساعه ١٢ كشفوا علي صار ٤ سانتي ع طول دخلوني وبعد نص ساعه صار ٥ الحمدلله وصل الفرج وعطوني الكمام انام ولمن يجي الطلق اصحى زي السكرانه واصارخ على الممرضات بعدين انام 😂😂 جات الساعه ١ صار ٧ 💃🏻 عطوني طلق صناعي وفكوا موية الجنين صرت ادفع غصب واقولهم في شي بينزل قالوا صكي رجولك لين يجي الدكتور الساعه ٣ صار ١٠ وعطوني ابرة الفخذ وماعاد احس بالطلق ولا بالشق ادفع. عالفاضي الدفع متعب جداا واقول يارب يارب قال يلا عطيها دفعه اخيره شوفي الراس طالع الا ويطلع الراس ويسحبونه كأن روحي طلعت ورجعت واجلس احمد الله بس شفت بنوتي انبسطت ونسيت الالم وخيطوني وانا نايمه 😂 وبنتي اللحين عمرها ٣ سنوات الله يحفظها والان انا حامل عقبال اقولكم قصتي بولادتي الثانيه