قصة ولادتي كان يوم خميس تاريخ 10/5كان اول يومين باتاسع رحت ع دكتورتي موعد عادي مثل كل مره وكنت براجع عندها كل اسبوع من بلشت من الثامن وكانت تعملي تخطيط للجنين كل اسبوع لتتطمن ع الجنين طبعا رحت عندها وحكتلي كل شي عند الجنين منيح وحكتلي الك بالتاسع يومين حكيت لدكتوره ان حركة الجنين خفت كثير ف حكتلي رح نعمل تخطيط للجنين ف رحت لقسم التوليد لاعمل تخطيط للجنين ف اول ما دخلت حسيت حالي مخنوقه ودقات قلبي وقفت ف طلعت لبره ارتحت شوي ورجعت اعمل لتخطيط ف اول،ما الممرضه حطت الجهاز ع بطني استفرغت وانتم بكرامه رحت اغسلت ورجعت ع سرير رجعت الجهاز وانا بوقف بسرعه حسيت الدنيا بياض وصار معي دوخه. وحسيت قلبي وقف ف اجااني دكتوره ومعها كادر طبي كامل ف حكولي تخطيط الجنين مش حلو ف رح نعملك عمليه طارئه ف صرت ابكي .الممرضات صارو بهدو فييني وبحكولي عمليه ماتخوف ف بحكيلهم انا خايفه ع البيبي مش من العمليه ف لما كانو بجهزوني للعمليه ماحسيت بشي غير اني بدعي ربي ان ابني بقوم بسلامه ومافيو شي وحتى دكتور تاع التخدير بحكيلي رح بكوون البنح نصفي حكتلو اي شي بس يلا بسرعه بدي ابني ف ولدت والحمد لله صارلي شهر و19 يوم اسفه طولت عليكم بس ي بنات لا تخافو من الولاده ولاتسعجلو متى ما ربك رايد بيجي رح يجي بيوم مكتوبلو