أنا من حوامل 23/11 وهاد ثالث طفل ... ولدت 29/8 حبيت اكتب شو صار معي بالولاده لأني كنت أحب اقرأ اللي يكتبو كيف ولدو ... ويمكن حد يستفاد قبل بيوم من الولاده كان عندي عزومه لأخت زوجي وانا بحبها كتير فحسيت بنشاط وقمت طبخت وضيفت وجليت الجليات يعني طول النهار وانا واقفه وآخر النهار بعد ما روحت أخذني زوجي عند اهلي وسلمت عليهم وحكتلهم هاي آخر زياره قبل الولاده تاني يوم حكيت لزوجي ضايل يوم وبخلص شهري على حساب الحاسبه فبدى اروح عالمشفى الي بدي اولد فيها اطمن على الجنين رحنا عالمشفى وقبل لافوت عالدكتور صرت احس بمغص وجع بضهري على الخفيف فلما فتت عالدكتور فحصني على الجهاز حكالي وضع الجنين منيح بس روحي افحصي داخلي عند الممرضه لما فحصتني داخلي طلع عندي توسع أربعه سانتي والرحم ليّن كتبت على الورقه وحكتلي ارجعي على الدكتور رحت عليه وكتبلي دخول أنا ما رضيت ادخل رجعت عالبيت وكانت الساعه وحده الضهر وضليت أعزل بالبيت وزوجي معي بساعدني ونضفتو وغديت ولادي ورتبت اموري وشنتة البيبي يعني تعبت كتير وشربت كاسة قرفه وكان الطلق متباعد كل ربع ساعه لحدما صارت الساعه سته المسا ولسه بين الطلقه والثانيه أكثر من خمس دقايق بس زوجي حكالي خلص يلا نروح عالمشفى وصلت المشفى عالسته ونص فحصتني كان التوسع واصل لتمنيه سانتي فبسرعه جهزوني للولاده الساعه سبعه كنت والده (طه .. ربي يحميه ) فكانت ولاده لله الحمد سريعه (فأنا بنصح الحوامل لو كنتي تعبانه من الحمل لازم ضلك تتحركي هاد كتير بسهل الولاده )