صباح الخير بكتب لكم قصة ولادتي بما انو ملاكي نآيم 💜 طبعا الموعد المحدد لي هو 24/10/2016 اني اولد من بعدها بيومين صارت تنزل علي سدادة الرأس الى يوم الاثنين الصباح أفطرت و الحمدلله كل شي تمام ! جيت بنام حسّيت بمغص خفيف جدا و افتكرت أنه عادي المهم نمت وكل شي تمام الا بنص نومي !!! صحاني مغصصصصص فضيييع كانت الساعه ٤ العصر صحيت تعبانه وكنت كل شوي اروح الحمام وأنتو بكرامه احس بشي يطّلع مو قادره عرفتو كيف ؟! المهم امي صايمه و كانت بتسوي لها فطور وتقولي وش فيك اقولها مدري بطني اكيد من الاكل اللي في الصباح مو كويس !؟ امي ما حبت تخوفني انو ولاده جابت عسل واعطتني و زاد الالم رحت الساعه ٧ العياده قالت لي مفتوح ٤ سانتي ولاده روحي المستشفى !!!! رحت البيت وانتظرت ساعه وبعدها ماقدرت رحت المستشفى لما وصلت قالت لنا الممرضه معليش مافي الا سرير واحد وفي مريض اذا تقدرو روحو مستشفى ثاني !!!! نعم ؟ خير ! المهم اخواني يشتغلو في المستشفى و اتوسطو بحكم انو زوجي مسافر و هما اخذو مكانو جابو لي سرير و كشفت قالت ٦ سانتي روحي الاستراحة انتظري ؟ ): اتخيلو مع الطلق بموت كنت امشي بالممرات احس اني اهدا جهزو السرير و كل شي و رحت على كشك الولاده كشفت قالت ٧ سانتي وصارت الساعه ١١ ومن ١١ الى ١ الا وهوا ٧ و موية الجنين ما نزلت ! صرت مجنونه من الوجع أقولهم ابي اولد عمليه انا راضيه صارو يطنشو جات الدكتوره فتحت المويا صار ٨ سانتي من بعدها صار الطلق أقوى ورا بعض صرت ادفع بكل قوتي لأنو ماقدرت اتحكم خلاص الرأس صار قريب تقولي لا تدفعي وانا ادفع ما اذكر الااني صرت ادفع و أغمض عيوني معد احس باي شي الا طلع ملاكي الجميل و صارت الدنيا شي ثاني بعيوني اطالع السقف و احس بطني صارت صغيره وصرت اشوف ملاكي مو مصدقه والحمدلله اختصرت كثيييرررر و توته توته خلصت الحتوته.