أنا بكرية و عايشة وحدي مع زوجي مغتربين بامريكا حملي الحمدلله مر بسلام من غير الوحم اول شهور كان كلشي الحمدلله لما دخلت الأسبوع 37 طبيبتي ما عجبها حجم بطني و أرسلوني لمركز السونار اعمله و للزم مراقبة كل أسبوع خافت الجنين يكون اصغر من حجمه، و ما كان الرحم مفتوح عندي. بدات مشي و درج و أناناس و رياضة على الكرة و جماع و شاور حار و في الأسبوع الثاني فتحت 2 3 سنتيم. كملت أربعين أسبوع و قررنا نعمل طلق اصطناعي. و كل الممرضات متفاجئين انه انا بكرية و فاتح عندي الرحم هالحجم. المهم مرت عملية الطلق الاصطناعي بسلام، طبعا أخذت إبرة ظهر لاستحمل الوجع. بعد 18 ساعة كنت فاتحة 10 راس البيبي نزل و كلشي تمام بننتظر بس طبيبتي تجي لنبدأ، و جات و بدأنا دفع، و كنت ماني حاسة باي شي بس بحاول ادفع و بطلع براز عزكم الله فهيك عرفو أني بدفع صح، بعدين لما بدا راس البيبي يبان كأنه وقف مز عاد يزيد مع أني ادفع فاتخذت اغبى قرار أني أوقف إبرة الظهر علشان احس و اقدر ادفع اكثر، فوقفوها و ابتدا الألم و فعلا دفعت و تقدم الراس شوي بس خلاص وقف ما عاد يزيد و الألم عندي راح من 2 ل 10 !! بقينا على هذا الحال حوالي أربعين دقيقة و ابتدو يجهزوني للولادة و قالت لي الطبيبة انهم راح يستعملو الشفاط سالتها هل فيه خطر على صحة البيبي قالت انه إحصائيا ايه و لو احتمال صغير فانا خفت و سالتها شنهو الخيار الثاني قالت عملية قلت لها ايه أفضل اعرض نفسي للخطر و لا اعرض ابني. و دخلوني هذيك الغرفة الباردة اللي تخوف و كان معي زوجي طبعا و الحمدلله ولدت يعقوب، ما بكا اول و متتت خوف بس الحمدلله قعدوه و بكى و الحمدلله فرحنا فرحة لا توصف. قالت لي طبيبتي التعافي راح يكون صعب شوي لأني كأني والدة طبيعي و قيصري الاثنين. هذا كله صار بسرعة و انا ما كنت اتخيل أبداً أني أولد قيصري يعني كان عندي جميع المؤهلات أني أولد طبيعي جد رشيقة و رياضية. المهم من خرجت من المستشفى و انا ابكي و جاني احساس عميق بالفشل، أني ما قدرت اعمل اللي اغلب السيدات بيعملوه، و بلوم نفسي لوم شديد انه لو ما وقفت إبرة الظهر كنت قدرت استحمل الألم و ادفع لساعات بدون تعب!! او أني كنت اقدر اخلي الطبيبة تستعمل الشفاط قريت قصص كثير استعملوه و لا صار شي بس لو تفتح أبواب جهنم و انا بحاول أوقف هالتفكير بس ماني قادرة 😔 غصبا عني. البارح اصدقاءنا جاهم بنوتة مشالله و هي كمان طلق صناعي و كان عندها كثير مشاكل بحملها مسكينة، انا دعيتلها لما كنت أولد يرزقها ولادة يسيرة و فعلا ولدت طبيعي و انا و الله فرحانة لها من قلبي بس احسست بالحزن و الفشل مرة ثانية لأني ما قدرت اسوي الشئ اللي هي سوته، و انا عارفة هادي مشيئة رب العالمين بس و الله مقهورة أني سويت كلشي صح بس يوم الولادة خربطت كلشي! و كنت ناوية احمل نشالله للمرة الثانية بعد بكم شهر لأخلص بس الحين كثير متخوفة من الولادة و ما عدت طايقة الحمل و أصلا ما اقدر احمل الا بعد مدة معينة لانه قيصري و ادعولي الله يجازيكم خير لأني حاسة ببداية اكتئاب و المشكلة بالغربة ووحيدة و الحمدلله على كل حال، و بعرف بتقولو استغفري و الله باستغفر ليل ونهار و مكثرة ذكر و بقول لنفسي شاء الله و ما قدر فعل بس ماهو بيدي 😔