ازيكم بنات عاملين ايه قصه ولادتي صعبه جدا انا ولدت يوم ٢٠/٥ الساعه ٦ الصبح كانت ولادة صعبه جدا طول فترة الحمل كنت عايشه عادى جدا والحمد لله مكنش عندى مشاكل المفروض كنت اولد يوم ٢٨ بس يوم ١٩ الظهر كنت بطبخ عادى ونشيطه جدداا لقيت في نقط مياه يتنزل انا افتكرته بول دخلت الحمام لقيت نفسي مش عايزه اعمل حمام بس لقيت المياه مستمره اتصلت بجوزى علشان ياخودني علي المستشفى لبست وحضرت الشنطه والمياه مستمره بس نقط وصلت المستشفي قالولي ولادة الكيس اتفتح بس الرحم كان فاتح ١ سم بس !!!!!!! أدوني طلق صناعي طبعا الطلق اشتغل والمياه ذادت جدااااجداااا بعدها دخلت الحمام لقيت حاجه خضرا قالولي البيبي عمل بيبيه في بطنك طبعا انا لو كنت في مصر كانو ولادوني قيصري من اول م الكيس اتفتح بس هنا مش بيولدو قيصري نهااائى الا في الحالات الخطر والمستحيله طبعا حطوني علي اجهزة علشان قلب البيبي فضلت اتعذب عذاب يشبه الموت بالبطئ لحد مخيروني اخد ابره الظهر وطبعا أخدتها لانى كنت خلاص تعبت جدااااا ابره الظهر دى اكن بيدخل شنيور في ظهرك والاصعب وهي بتخرج بس وجعها اهون من اللي كنت فيه وجع الطلق راح خالص وكنت عادي بضحك وبهزر بعد مخدت الابره لحد تقريبا الساعه ٢ بالليل ابتدا الولاده طبعا ابره الظهر مش بتحسسك بالطلق لاكن وجع الولادة حاسه بيه لان دى ولادة طبيعيه ولدت ابني عمر الساعه ٦ الصبح طلع للدنيا الدكتوره اللي كانت بتولدني ملاك رحمه ساعدتني كتير واستحملتني اكتر انا كنت في عز الولاده بقوم امشي وساعات كنت بنام وانا بولد وصممت اولد في الأرض لأني ارتحت علي الأرض وفعلا ولدتني علي الأرض لحد منزلت الراس وبعدين نقلتني علي السرير طبعا الفضل والشكر لربنا ثم لجوزى لأنه تقريبا ولدني مع الدكتوره وساندني كتتتير اووووى طول فتره حملي وفي ولادتي وبعد مولدت بعد الولاده الطبيعيه بيكون في انتفاخ شديد في الاشفار من الحزق بيروح بعد يومين بس حطي كمدات مياه سخنه برضو عمليه الاخراج بتكون صعبه وبيكون في إمساك لاكن برضو بيروح مش بيطول طبعا انا حاله بس في ناس كتير ولدت طبيعي وكانت ولادتهم متيسره وسهله بس اول متشوفي ابنك او بنتك حقيقي بتنسي اي تعب لو عايزين تسالو اي شوال اسالو وهنزلكو قصتي مع الرضاعه علشان محدش يقع في اخطائى