السلام عليكم بنات اليوم بقولكم قصه ولادتي اخر دوره لي كانت ١٥ - اكتوبر كنت بالاسبوع ال ٣٧ و ٤ ايام ولدت يوم الجمعه قبلها ب ٤ ايام تقريبا رحت موعدي عند الدكتوره و كنت مفتوحه ٢ سانتي كنت اترجاها تولدتي لان تعبت من الثقل قالت لي انا اقدر ادخلج الولاده الحين و اعطيج طلق صناعي بس ما ابي تحملي قلت لها ما اقدر ابي اولد حدديلي تاريخ قالت ماكوو شربي مراميه و امشي و ان شاء الله اقل من اسبوع والده قلت لها اوك بعدها كانت احس بعوار خفييييييف كنت اسبح بماي حار و اسوي تمرين القرفضاء و اخلي الدش على ظهري و ارتاح او انام بولاداتي الي قبل ماكنت اسوي شي و يدخلوني ولاده هالمره فقدت الامل من زيارتي للدكتوره قلت بشرب زعتر و دارسين ( قرقه ) و شربت مراميه و كنت اكل انناس ما مشيت وايد لان الجو حررررر يوم الخميس بليل الساعه ٩ كنت متملله و تعبانه و عيالي وياي قلت نطلع نغير جو رحت الممشى على البحر قريب من سكني مشيت على التراب ١٠ دقايق و شوي مشيت بالممشى يمكن ٢٠ دقيقه و رديت البيت هلكانه امي اتصلت علي تتطمن علي قالت لي تبخري بقشر البصل قلت اوك سبحت عيالي و نومتهم و دخلت اسبح خليت الدش مايل للحراره و سويت تمرين القرفصاء و انا حاطه كرسي بالحمام اتسند عليه ما قدرت اطول بالتمرين من التعب طلعت و زهبت قشر البصل و تبخرت فيه ( اسوي تمرين القرفصاء و احط التبخيره تحتي ) و ما طولت بسرعه و قمت لبست كنت حاسه بألم خفيف بس تجاهلته و حاولت انام و كلمني زوجي كان طالع رحله صيد و مكان بعييد قلت لها ماله داعي ترجع لان الم اتحمله يوم الجمعه الصبح كنت تعبانه مافيني امشي و ما كنت نايمه عدل و عندنا زواره ببيت جدي نتجمع فيه يوم الجمعه دايما ماكنت ابي اروح بس قلت خل اروح اغير نفسيتي شوي و عيالي يستانسون و رحت الظهر و كان الالم خفيف اتحمله بس ما قدرت اكل الغدا قعدت شوي ما تحملت قلت ابي انسدح ارتاح بالغرفه ظليت شوي و بلش العوار يروح و يرد ناديت امي سوت لي شاي قرفه و اختي تسوي لي مساج لظهري و انا قاعده اتألم وخالتي تقرا علي قران و تدعي لي اتصلوا على زوجي ( شوي تأخر ) كانوا يقولون لي شكله طلق و اقول لهم لااا مو طلق رحت المستشفى الطوارئ و مع الفحص طلع ٥ سانتي و بلش يزيد العوار و ينتظم و خذيت كمام و بطت كيس الماي صارت الطلقات ورا بعض امي كانت وياي تقرا سوره مريم و سوره الانشقاق و سوره الزلزله دخلت الولاده الساعه ٧ و ولدت بنوتي الساعه ١٠ الحمد الله يا رب سهالات جدا اسفه طولت عليكم و اي سؤال انا حاضره