يوم الجمعه 5.7.2019ولدت احلا بنوته بالدنيا❤ بلش معي المغص من الساعه 12وتص وراح الساعه 1ونص .كان الم عادي وانا قلت اكيد من الاكل او اخدت برد ...المهم نمت وعالساعه 4ونص فقت على الم حاد يروح ويجي كل ربع ساعه ...وضل هالالم للساعه 56فيقت زوجي نشان يعمل اي شي لان انا بكريه وما بعرف اعمل شي وما بكذب عليكن كنت خايفه بس كنت عم اصبر حالي ...المهم...فاق زوجي وراح فيق امو مشان تلبس ونروح المشفى ...قالت لا بعد وقت انتظر احسبلها الطلق وبس تقاربت المده مناخدها عشان ما يتعبوها بالمشفى ...انتظرت لحتا صار بين الطلقه والطلقه 3 دقايق ورحنا المشفا كانت الساعه 7وربع حطولي جهاز التخطيط وودوني لغرفه حتطلي سيروم هدألي الطلق لمده قصيره ..لان كان راس البيبي مو لتحت عالمزبوط والدكتورا الله يعطيها الف الف عافيه دارتو لتحت وبعدها شالت المهدئ وحطت تحريض طلق وماهي الا ربع ساعه وكنت والده الحمدلله رب العالمين بس عملولي قص لان الجنين كان رح يختنق جواتي والحمدلله على كل شيئ ...وقت شفت بنتي وحطيتها بحضني نسيت كل الالام 😍😘ونصيحه مني لكل حامل مقبله على الولاده ...شو ما بتقول الدكتورا اعملي ازا قالت اتنفسي اتنفسي وازا قالت اكبسي اكبسي لا تحاولي تعارضي لان هاد كلو لمصلحتك انتي حبيبتي 😍😘😘😘عقبال كل الحوامل الله يسهل عليكم يارب.... طولت عليكم بعرف بس كنت حابه احكي قصه نهايه رحله وهن على وهن ❤ سلام كروشات 😁😍