شوفي ياست ماما👼 أنا أول مابنولد ( الله يحماني) ممكن اقعد اسبوعين ثلاثه هادي ونايم 👼 مطلوب من حضرتك تصحيني بأي وسيله ممكنه وترضعيني 👼لإن السكري ممكن ينزل وهاذ خطر على حياتي في المرحله هاي( بعيد الشر عني)👼 بعد الاسابيع الاولى راح تلاقيني بصرخ وبعيط ولامملك الخلق كلهم👼بهمش تتحمليني هاي الفتره لاني بعدني جديد ومش متعود على الضوء والاحداث ودرجات الحراره المتغيره واللمس والاواعي الجديده👼كل هاذ جديد علي وبوخذلي وقت لحد مااتعود بدي 3 او 4 شهور احد ما اتأقلم👼وعشان هيك بتلاقيني نظيف وراضع وكلشي تمام وببطلش صراخ وماعليكي غير الصبر ياأمي👼لو بدك ترضعيني طبيعي إعملي حسابك ان الرضاعه حسب الطلب ومش شرط كل ساعتين👼ومن فضلك تهتمي بالنظافه الشخصيه مابحب ريحة العرق وريحة الاكل الي عالاواعي وكمان ريحة العطور مابحبها عشان حاسة الشم عندي قويه ، الشغلات هاي بتخليني زنخ وقت الرضاعه ياريت تراعي هالاشي👼 وكمان لو ناويه ترضعيني طبيعي بكفيكي فنجانين قهوه او نس باليوم عشان هاي الشغلات بتنزللي بالحليب وبتعصبني👼لو بدك ترضعيني صناعي نظمي رضعاتي كل ساعتين ثلاثه على الاقل اول 3 شهور بعد هيك عند الطلب، والرضعه اعمليلي اياها بمي مغليه ولما تبرد شوي تتقدملي دافيه👼والباقي من الرضعه ينرمي فوراً ياامي وماتطعميني اياه مره ثانيه لانه إتلوث من بقايا لعابي👼 وماتنسيش بعد كل رضعه او الي وراها تجيبي قطنه مبلوله بمي دافيه وتمسحي تحت دقني ورقبتي من فوق وتحت إبطي وتنشفي الاماكن هاي بعد هيك بقطنه ناشفه عشان ماتتفاجئيش بالإلتهابات وتسلخات منظرها شنع بالذات لو كنت ( مربرب شويه👼 وكمان اواعيي اغسليها لو سمحتي بمواد ريحتها مش نفاذه عشان زي ماقلتلك حاسة الشم عندي قويه والروائح القويه سواءً حلوه او العكس بتأذي جيوبي الأنفيه وبتخليني مش قادر أشم ريحتك الي متعود عليها وبتحسسني بالأمان وهاذ بيؤدي بالتالي الى صراخي دايما وهاذ كلو بيجي على راسك في الاخر👼 بتمنى اكون فدت الي سالت♥️ صابرين جبارين #منقولة