انا من اسبوع عندي اجواع تروح وتجي ومره جاني قوي وفكرت ولاده ولا ولدت والليله اللي قبل م اولد كان فيني الام زي السكين كالعاده بس مو زي الدوره ع قولتهم واخف من الالم اللي جاني قبل المهم قلت زي العاده عادي وانام الا الساعه٧ الصباح شي قال طق طق مرتين تحت الا تنزل مويه كثيرررر غرقت الفراش والارض والسياره والمستشفى المهم كني دخلت ف مسبح وطلعت عباتي و دعيت ب ان الله ييسر لي ويسخر لي ممرضات ودكتوره طيبين ويخافون الله فيني والحمد لله استجاب لي😍❤ المهم اوصل قالو ١سانتي مافي ولاده الا بكره بس بنومك عشان المويات ونتابع حالة الجنين ياربي واستغفر واقول ان شاء الله م يجي الظهر الليل بالكثير الا انا مولده والله شوي كذا الا تجيني الام خفيفه تحتمل وكل ساعه تزيد حدتها ونزل علي دم وافرازات كثير لزجه وشفافه مخلوطه بدم ووقفت المويه وياربي يجي الظهر الم قوي و اناديها تفحصني قالو مفتوح ٤ لسى ماعندك ولاده انتي بكر الله المستعان ف قلبي بس مازلت مصره اني بولد ما يأست واقرا قران واذكر الله واصلي ع الرسول الحمد لله تعالي شوفي العصر الموتتتتت الحقيقي تخيلو يجيني دفع لا اراديا وهي هي تبغى تطلع خلاص ولاده واناديها وتجي قالت٨ باقي ولادتك العشاء مطوله لانك بكر😡 وكنت بموت انا ادور ع الفراش والحمد لله خلوها ب اجرها وحدي وبكر وبرد وماني ماكله شي وطراش ع بطن فاضي واي ي قلبي كل م اتذكر 😩💔 اقول خلاص ياربي ولدني خلاص بموت وجسمي كله ينتفض ولا قدرت اروح الحمام الله يعزكم المهم المغرب احس براسها احس بشي قاسي تحت اذا حطيت يدي هذا بعد الدفع ادفع وانا منسدحه ع جنبي الحمد لله م نقص عليها الاكسجين وتجي تفحصني قالت يلا ولاده كيف اقوم الراس صار نازل بطيح م اقدر امشي قالت لازم وتمسكني وانا ادعي اللهم اجعلها بردا سلاما علي وسخر لي طيبين ابغاها تسمع عشان تراعيني😹😩 وماقصروا والله خصوصا ممرضه سعوديه عسل الحمد لله ٥ دقايق الا تطلع ونتور دنيتي بطلتها ماشاء الله ربي يحفظها ويمحميها لي 😍لان جاني الدفع من العصر وانا وحدي الحمد لله ربي يسرها الله يكتب الاجر ويرزق كل محروم ومحرومه الذريه الصالحه وعقبال كل وحده تولد وهي وجنينها بخير وصحه وميسره يارب❤️