انا والد قيصري وللحين تعبانه لكن الحمدلله ع كل حال لكن وعدتكم اني اكتب ايش سويت بفترة الحمل انا حالي حال اي وحده دائما كنت ابحث بالنت واشوف الاشياء اللي مو زينه للحامل مثلا الاكلات وكذا من ضمن الاكلاات الي ابتعدت عنها السوشي ، الاناناس، المحار اكلته لما كنت مسافره ولما عرفت انه مو زين تركته، التبوله "البقدونس" يقولون مش زينه الكبده سمعت انها مش زينه ، اللحوم الي مش مطبوخه كويس والاشياء الي مش مغسوله كويس بالنسبه لموضوع الادويه بنات انا نصيحه مني لكم وسبق تكلمت بهالحاجه من قبل موضوع انك تكتبين وش فيك او من شنو تشتكين منه البنات الي هنا ماعندهم خبره كافيه انا عن نفسي ادرس صيدله ، واختي صيدلانيه مع ذلك اذا حسيت فيني شي مو طبيعي اروح لدكتوره ! او اقلها اقلها اتصل ع رقم ٩٣٧ مع ذلك م اتطمن الا لما دكتورتي تشوفني حالتك حتى لو صارت اعراضها مشابهه ل اعراض البنت الثانيه مو معناته تاخذين الدواء الي هي تاخذه لانه يمكن تكون فيك حساسيه من هالشي او مو زينه لك ف دكتورتك هي الي تعرف ل حالتك النصيحه الثانيه روحي لدكتوره موثوقه مستشفى موثوق فيه وانتبهي للوصفه الي تعطيك اياها يمكن هي اخطأت بحاجه او الصيدلي اخطأ بصرف الدواء وهالموقف حصل معي بفترة الحمل ا ابتعدت عن صبغ الشعر والحواجب وحاولت قد م اقدر ابتعد عن الميكرويف اهتموا بغذائكم الموز الحليب البيض اللحوم والسلطات في حبوب استخدمتها اسمها حبوب بريجنا كير اختي كانت تقول استخدميها عشان تطلع شعر للجنين وقبل م استخدمها سالت دكتورتي وتاكدت منها انه ينفع اخذه او لا وشافت حالتي وقالت اي عادي اخذيه والحمدلله طلع فيها شعر وهم استخدمت اوميقا ثري وسبق اني سالت دكتورتي اذا ينفع اخذها او لا بنات نصيحه الشهر التاسع كثروا مشي انا ماسويت هالشي للاسف مشيت كذا يوم فقط بالنسبه ليه ولدت عمليه قيصريه كنت مفروض طبيعي وفتحوا المويه لما وصلت ٦ سانتي ولما وصلت ١٠ سانتي ودفعت كذا مره قالي خلاص عمليه مادري كيف كان السبب بس اتوقع عشان راس البيبي او النبض ولكن الحمدلله ع كل حال بنات ادعولي اني اقوم بالسلامه ويرجع شكلي زي ماكان واحسن وادعوا لبنتي ربي يحفظها من كل شر شكرا لله وشكرا لكل من ساعدني واستفسرت منه وربي يتمم عليكم ع خير حافظوا ع نفسكم واستمتعوا بفترة الحمل كنت كثير مستعجله متى اولد ومتى اولد ولكن لما الحين اتذكر فترة حملي اقول ليتها ترجع