صراحة حبيت اطرح الموضوع لانو يشكل خوف بالنسبة لي ... وخاصة تعرضت لموقف صعب وعنصري في اول بطن ... كانت المعاملة رائعة من الطاقم وكل شي تمام اخذو ابني يحمموه ونادوا على طبيبة تخيط جرحي فاتت ودقت ابرة بنج في منطقتي وبلشت تخيط بعد لحظات تبين انو الجرح استمر خارج منطقة الي بنجتها وهي تكمل بالقطب دون تخدير انا لحظة شعوري بالم الخياطة حكيتلها انو شاعرة وما في تخدير هون وانا ابكي هي رفضت تسمع وكملت صرت اصرخ من وجعي وهي تصرخ فيني اسكت لحتى خلصت شغلها ... كاول مرة ولادة وبكرية ما كنت اعرف انو الي صار معي غلط وتصرف عنصري منها لحتى حكيت بعد ما روحت لنساء الزايرات قديش صعب التقطيب واتفاجأت انو ما كان لازم تخيط بدون بنج