السلام عليكم 🙋🏻‍♀️ من زمان عن البرنامج من ولدت من شهرين ونص مادخلت الحمدلله ولدت قبل شهرين ونص وجبت بنوته 🤱🏻بقولكم جم نصيحه من تجربتي بهالفتره البسيطه 1 للحوامل حاولوا تتحركون وتمارسون رياضه خفيفه تناسب الحوامل لان بيساعدج عالولاده وبيسرع الولاده بإذن الله 2 اذا تقدرين تولدين بدون طلق صناعي احسن ولاتحاولون تاخذون طلق صناعي عشان تولدون بسرعه لانكم مليتوا لان الطلق الصناعي جداً مؤلم والطبيعي ارحم 3 ابرة الظهر نعمه ورحمه من رب العالمين اذا تقدرين تاخذينها اخذيها ولاتسمعين كلام اللي يقولون انها مضره لان لو هي مضره جان ماحطوها بمستشفيات الحكومه وكل شي بالدنيا له اثار جانبيه نصييحه انصح فيها كل حامل تاخذ ابرة الظهر انا جربت الكمام وماحبيته جابلي هلوسه فضيعه🤦🏻‍♀️🤦🏻‍♀️ 4 فترة بعد الولاده يفضل ان تكون عندج امج او اختج ضروري يكون في احد يساعدج لان الوضع متعب والنفسيه تعبانه راح تحتاجين احد معاج يساعدج عالبيبي عالاقل اول اسبوعين 5 من الحين فهمي زوجج ان بعد الولاده وبفترة النفاس النفسيه تعبانه حتى لو عصبتي او نفستي وبجيتي قوليله ابيك تتحملني لان هالشي طبيعي و قوليله انج محتاجته يكون جنبج حتى لو انتي عند اهلج قوليله يمر كل يوم او يومين 6 الخياط متعب نفسيا اكثر من جسديا حاول تهتمين فيه وتنشفين المنطقه عدل وحطي عليه فيوسدين وبيتادين وميبو الدكتور قالي حطيه 4 مرات باليوم بس انا كنت احطه كل مادخلت الحمام 7 المره لاتستعملينها وانتي فيج خياط لان بيشد الخيوط وبتصير جدا مولمه استعمليها اخر الايام انا عن نفسي مااستعملتها 8 اول جم يوم مع البيبي خصوصا اذا اول بيبي راح تحسين نفسج ضايعه ومتوتره وماتعرفين تتصرفين هذا شي طبيعي مع الوقت راح تتعودين وانصح تشوفون مقاطع رولا قطامي عاليوتيوب جدا مفيده حيل استفدت منها 9 عشان تشد المنطقه وتضيق سوو تمارين كيجل اكتبوا باليوتيوب تمارين كيجل وطبقوها حيل مفيده وتذكروا ان البيبي اللي بحظنكم في ناس واجد يتمنونه ويتعبون ويسافرون عشان يتعالجون ويجيبون بيبي واحد استشعروا النعمه ودايم احمدوا ربكم وحتى بفترة التعب والضيقه تذكري انج بنعمه احمدي الله عليها الله يرزق كل محروم بالذريه الصالحه يااااااارب وبسسس هذا اللي اذكره الحين اذا تذكرت شي بعد بكتبه 🤱🏻❤️