انا قبل اسبوع ولدت من حوامل 12/5وتاخرت اسبوعين وما اجاني اي بوادر ولادة ابدا ولا حتى توسع واحد سانتي وتعبت كتير والله بيعلم بحالي اول بيبي بكون لحالي بالغربه وما الي حدا عندي المهم الدكتورة حجزتلي موعد طلق اصطناعي من 9 الصبح ،دخلت على المستشفى لحالي لانه زوجي ضلو مع الاولاد اعطوني طلق على12 الظهر وحكولي كل 4 ساعات بنشيك عليكي على التوسع انا انبسطت صراحه لانه ما رح اتوجع كل شوي ممرضه تفحصني على الساعه 4 اجت فحصتني حكتلي لسى 1 انا بلشت اتحطم لانه بلش الوجع بظهري يبلش جد ،بعدين اجى جوزي عندي وبلشت اتوجع عنجد اجت الممرضه سالتني اذا بتتوجعي بعطيكي مسكن ل 3 ساعات حكتيلي اكيد اه ،انا مجربه 3 مرات الولادة وكنت اموت وما يعطوني اشي واقعد بالساعات ابكي وما يعملولي اشي ،بعدها صرت هاديه وادعي لحد ما صارت الساعه 8 وكنت متفائله كتير اجت الدكتورة وفحصتني وطلع لسى 1.5 بس 😢بلشت بعدها ابكي وحسيت حالي لساته مشواري طويل وضليت كل اربع ساعات تفحصني ومش راضي اتوسع ووجع صار قوي بعد ما راح المسكن وحطولي بالون جواتي وتحاميل طلق وما في اشي فاد معي وانا نفسيتي تعبت، وضليت لحد ثاني يوم الصبح الساعه 8 التوسع كان 4 طبعا انا ما نمت وتعبت وجسمي انهد وكنت خايفه من العمليه لانه ما في حدا يساعدني وعندي 3 اولاد وكيف رح اعمل ،بعدها ما قدرت من الوجع طلبتهم ابرة الظهر اعطوني ياها من هون وكنت لحالي جوزي راح يشوف الاولاد ونفسيتي صفر اول مرة ما بتكون امي عندي ولا اخواتي ،اخدتها من هون وما بعرف شو صاري كل جسمي صار يرجف وبطلت اتنفس ودقيقتين وكل المستشفى كانو عند راسي انا حسبت حالي ميته شكلي وما رح اشوف ولادي 😭بعد 5 دقايق بلشت اصحح ويحكو معي لحد ما صحيت منيح وشالو الاكسجين عني راح وجع الطلق وعنجد اكبر غلطه بحياتي اني ما عمري اخدتها عنجد يا بنات انها نعمه من الله ،الله يجزيه الخير الي عملها بعدها اجى جوزي وانا متفقه معه انه ما رح اخليه يدخل معي خفت من الحكي انه يمكن يقرف مني بعدها وسمعت كتير بنات خوفوني من هالاشي ،بعدها اجت الدكتورة وحكتلي رح تزيد الطلق اذا زبط زبط اذا لأ خلص عمليه لانه طولت اعطتني المحلول من هون وبلش ااطلق الصح حامي كنت احس بضغط وشويه الم بسيط وبعدها بنص ساعه نزلتلي ميه الراس وحسيت حالي شلال بينزل وكل اشي ببطني بيضغط تحت وانا عمري ما حسيت بهيك من الوجع دايما بحس حالي روح بتطلع مع وجع وبكي ما كنت اميز انو الراس رح يطلع وتخيلو بنات من رحمه ربي في وبظروفي من 9 احكولي 4 اصابع بس وبعد المحلول بساعه اجت وبتحكيلي ولادة😲انا انصدمت فكرت لسى بدي كمان يوم لاوصل 10 على وضعي ،ودخلولو علي وشجعوني وحكيت لجوزي خليك انا خايفه وضلو وطلبو يمسك رجلي من جهه والثانيه الممرضه وطبعا هو يا حرام صار وجهه اصفر ومات من الخوف وضلو يدعي ومصدوم من المنظر ،بعدها طلعت بنتي لحالها اقسم بالله حسيت لو علي انا ما كان ولدت ما في طاقه ادفع ابدا وطلعت ما شاء الله عليها وحسيت حالي بحلم وخلصت وجوزي كانت ردت فعلت بس شافني ما قرف ابدا بالعكس حس فيي وحكالي كيف بتححملو هيك ،عنجد بتستاهلو الجنه انتو الامهات وكان حنون علي وهاي ردت الفعل ما كنت حاطيتها ببالي لو 1 بالميه تخيلت العكس والحمد لله صارت اموري هيك وولدت بسلامه وعقبال الجميع يا رب 🙌