الحمدلله ع كل حال طبعا الف شكر لكل وحده هنا دعت لي والف شكر لكل وحده دعمتني بكلمه والف شكر لكل وحده ردت علي وشاركتني ♥️ طبعا ولادتي ماادري كيف احكي لكم ولدت امس الصباح الساعه ١١ قيصري والحمدلله ع ماصار انا كنت مطوفه ١٠ ايام ع التاسع والرحم كان مفتوح ٥ سانتي من الخميس الماضي والسداده نزلت الجمعه بس مافيه طلق وكل شي سويته ومشيت بس مانفع وعنق الرحم كان سميك عندي يوم الاثنين كان عندي موعد معاينه وكشفت علي وسوت لي تحريض وقالت امشي ساعتين وارجعي ومشيت مشيت ورجعت لها وقالت نفس ماهو ماتغير تعالي الصباح نعطيك صناعي 😢💔 ورجعت البيت ولانمت الا ساعه والصباح رحت اول ماجيت عندهم جا طلق طبيعي فجاه ودخلوني تنويم بس ماكنت احس ب ألم طلق فقط بطني يتحجر ويقسى والجهاز كان يسجل طلق ع ال٩٠ وع ال١٠٠ قالت الدكتوره مانقدر نعطيك طلق طلقاتك متقاربه وتزيد وف ساعه وحده انفتح الرحم ٦ سانتي وقالت يلا كشك الولاده 😢 بس ماكان فيه اي ألم .. ونزلت تحت غرفة الولاده وفكت المووويه وانفتح الرحم ٨ وزاد الطلق وكل مازاد الطلق قالت يلا دفي ساعديني وانا م احس ب ألم والجهاز كان يسجل طلق وتقول يلا دفي وادف ماقدرت طلقي بارد مااحس شي بيطلع نفس حملي الاول وفجاه نبض البيبي بدا يقل والدكاتره انهبلو وصارو يتراكضون ويدقون ع الدكتوره اللي مسؤله عني وكان عندها عمليه ونادو الاستشاري و نسوي النبض ينزل ينزل وانا مفجوعه م اللي يصير وصارو يسوون لها مساج من تحت وعطوني اكسجين ويصارخون اشفطي اشفطي بقوه خذي نفس وانا ميته رعب واشفط اشفط اكسجين كان ودي اكل الاكسجين كله اهم شي البيبي مايروح من يدي بس مافاد وعطوني محلول من تحت دخلوه علشان ينشط البيبي ويستجيب والحمدلله رجع النبض كويس وقالو يلا مانبي نولدك قيصري وانتي وصلتي لمرحلة الولاده اذا جا طلق دفي ونرجع ع نفس الموال ماقدرت ادف وكل ماجت طلقه قويه بالجهاز ينزل نبضه وجت دكتورتي المسؤله عني قالت خلاص قيصري البيبي م راح يتحمل اكثر من كذا تعب من الطلق وانا منهاره تكفووون بسرعه قيصري اهم شي بنتي لاتروح من يدي والنبض صار ينزل 😭😭 وانا مفجووعه وصارو يتراكضون يدورن زوجي علشان يوقع اوراق العمليه مالقوووه وانا اصارخ عليهم جيبو انا اوقع خلاص ع مسؤليتي اهم شي ماافقد بنتي ووقعت وع طول ركضو فيني من سرير ل سرير بسرعه بسرررررعه وسؤال ورى سؤال ووش اكلتي ووش عندك حساسيه ووش سويتي عمليه وانا اجاوب بسرعه بسرعه ابي اولد قبل النبض يوقف قال الاستشاري ابرة ظهر وصحت فيه لا بنج كامل قال انتي تو اكلتي وماعندنا وقت اذا ماتبين ابرة ظهر نرجعك ع مسؤليتك تولدي طبيعي وتتحملي لوصار ف البيبي شي قلت خلاص اي شي ولدوني قيصري وع طول ابرة ظهر وكنت ع اعصابي يلحقون يطلعونها والا لا 😭😭😭 والحمدلله ارتحت يوم سمعت صوتها تبكي 👧🏻😭😭😭😭 هنا انا بكيت معها وجلست اطالع فيها وهم ينظفونها ويشفطون المويه منها لانها شربت مويه وحطوها ع الاكسجين كم ساعه والحمدلله الحين ف الحضانه وبخير ♥️♥️ عشت ساعات كلها رعب والحمدلله اللي جت ع كذا وحفظها ربي ليا بس الم الم القيصريه متعب جدا ماتوقعته كذا مع انو ليزر تجميلي بس احس ف بطني حريقه بالذات اذا وقفت بمشي 😭😭😭 معليش طوولت عليكم وكتبت قصة حياتي 😅 عقبال كل الحوامل بالولاده السهله الميسره