مرحبا يا صبايا حاب ااشاركم بقصة ولادتي الأولى والان انا حامل بشهر التاسع، بلشت قصتي انه ما صار معي اي وجع طول الشهر التاسع وخلصت شهري ولسا ما ولدت فا رحت على المستشفى وفحصت دقات قلب البيبي وكانت ممتازه وفحصتني داخلي وكان 1Fngarsوقالت لي معاكي اسبوع إذا ما خلفتي روحي على المستشفى مشان يعملو لك تحريض ولاده، ومر اسبوع وانا ع اعصابي وما جاني وجع رحت على المستشفى وعملت تخطيط للقلب الطفل وما كان كويس وحكتلي ارجعي عيديه فاكلت شي حلو وعصير وعدته وشافته وحكتك كويس وفحصتني داخلي وكان 1Fngarsوقالت رح ادخلك مشان تولدي فكان معي زوجي وعمتي لما حكيت ل زوجي رح يدخلوني حسيتها خاف وارتبك فا أجرينا عملية الدخول وعملت فحوصات دم وبول وركبت ابره في أيدي وبعدها دخلت على غرفه الولادة طبعا غرفه الولاده كبيره فيها غرف كتير واسره جلست على التخت اجت الممرضه واعطتني مريول وقالت اشلاحي كامل ولا تخلي شي عليكي ف عملت واتمددت على التخت وبعدها ركبت الجهاز مشان نبضات قلب البيبي ومغذي وبربيش بول وما كنت أشعر بأي وجع لحد الان وبعدها اجت الدكتوره كانت حلو وشعرها طويل واشقر وكانت فاردته ومسشور ركبتلي بربيش التحريض مشان يسير عندي توسع ولما ركبتوا كان يوجع وشكلو نزل مني دم بعدها غطتني وراحت وضلت الممرضه تروح علي وترجع كل ما يخلص المغذي احكيلها بدي اروح على الحمام كنت اروح وارجع وتحط لي واحد بس كنت لما اقوم وامشي يروح الوجع كان بطني وضهري يوجعني اما بس ارجع على التخت يرجع الوجع طبعاً كان في وحده بجنبي تعرفت عليها وضلينا نسولف 😁مشان الوقت يمشي على الساعة 8 مساء رحت على الحمام وأخذت تلفوني كنت حاطه مغلق وفتحته في الحمام وحكيت مع زوجي طبعا ممنوع تدخلي التلفون بس انا خبيته في الشنته 🤫فاحكيت ل زوجي يروح لاني مطول أولد حكتلي الممرضه على الفجر رح تولدي وزوجي ما رضي يروح وقال ما اخليكي لحالك رح استناكي الله يعينه تعب يا حرام وعمتي معاه بعدها رجعت على تختي وضليت استغفر وادعي حاولت انام بس ما قدرت بس بعدها نمت من الساعة التاسعة إلى الحادي عشر طبعاً هذا بالاستغفار انا كنت نايم سحبت الممرضه البردايه وانا نقزت بعدها شالت البربيش الي مشان توسع الرحم وطقتي بيدها ماء الراس وكانت كتيره وكانت ساخنه 😀فا سألتها كم صار التوسع حكتلي 7انا ارتحت وفرحت لأنه قربت أولد واخلص بعدين حطت ابره في المغذي وسالتها هذا طلق اصطناعي حكتلي لا هاي ابره مسكن، بس هيه كانت طلق بس مشان ما اخاف، بعد الابره حسيت بألم كبير وكان كل شوي يزيد وبعدها راحت الممرضه وضليت استغفر وأقر قرآن وكان صوت النسوان وهم يصرخوا يخوف وهم يتوجعوا كنت لما اسمع احس قلبي بده يقع من الخوف واحكي لحالي رح يجيني الدور 😫😣😩😭وانا خايف كتير يجو نسوان يحطوهم على السرير تصرخ شوي بعدها على كرسي الولاده ويصرخو كمان شوي بعدها ما تسمع إلا صوت البيبي وع وع وع انا لما اسمع صوت البيبي اعرف انها ولدت وبحكي متى رح اخلص بعدين اجت الدكتورة وضلت تحكيكي خذي رجليكي عليكي وشدي وشدي فكرتها بدها تحكيلي يله على كرسي الولادة بس غطتني 😭وقالت اعطيها ابره بالمغذي وحسيت حالي بدي اسفرغ حكيت الممرضه فقالت لا هاي من الابره بعدين راحو الممرضه والدكتور بس ما سكرو البردايه أو الستار وضليت استغفر واذكر الله وشكلي نمت بس اشي بسيط بعدين صحيت من الوجع هدول طلقات الولاده كانت مولمه وقريبه على بعضها وبلش أشد وادفع من دون علمي كانوا الممرضات قبالي وركضوا علي والدكتورة وبلشو يحكو يله شاطره ادفعي يله كما كمان وبعدين حكت الدكتوره يله على الكرسي انا بلحضه هاي مش مصدق من الفرح اجاه الفرج وقربت رحت على الكرسي وضليت أشد وأشد وأشد فا الممرضه كان معها مصق وقصتني من تحت بس لا تخافوا مش حاس بشي ولا قصت المقص بس صوته اما وجع ما في بعدين شديت شوي وطلع الرأس حكولي شي بس شوي شديت ونزلت البيبي وحطته على بطني كانت جسمها طري ودافي وحكتلي امسكي وقصت الحبل السري طبعا ما سألت شي لا بنت ولا ولد بس زي هم وراح عنك بس تولدي ولما تسمعي صوت البيبي تنسي كل التعب وتنسي الوجع وكل شي سمعت الممرضات يحكو بنت وصحتها كويسة بعدين حكيت للممرضةً خبري زوجي اني ولاده نادت من مع إلهام زوجه حمزه ما حد رد فكرتهم روحواالممرضه طلعت الخلاصه وكان شكله زي قطعت لحمه كبيره شوي وبعدها قطبتني ولابستني ملابسي واخذتي على السرير انا ولدت على الساعه 2 بليل وبس طلعت من غرفه الولاده الساعه 3بليل ورنيت على زوجي وكان بسياره مع عمتي نايمين عند المستشفى ورنيت على اختي الكبيرة لاني ما حكيت الا لها اني رح أولد حتى امي ما حكيتلها لأنها امي معها ضغط ولما تخاف يرتفع معها حتا وصيت زوجي ما يحكي لحد من اهلي، اختي فرحت كتير اني ولدت وكانت تحكيلي اني ما نمت طول الليل وانا أرن على زوجك واسأل عنك بعدها رنت امي وزعلت مني لاني ما حكيتلها، بعدين اجاه زوجي وعمتي وسلموا علي وكانوا فرحانين كتير بعدين جابوا البنوته عندي ورضعتها كان شعور يججنننننن وحلو والله يجزيهم الدكتور الممرضات كانوا حبوبات وكويسات إذا حابين تسألوا اي شي انا جاهز