ابشركم ولدت الحمدلله امس بقولكم قصتي كااااامله سبحان الله واخيراً اليوم اللي حلمت فيه كثر ربي حققه وشفته حقيقه قصتي بأختصار خلصت الاسبوع ال ٤٠ ماولدت واخذت ٥ ايام من العاشر طبعا. انا هنا زي اي وحده ملت من الثقل والتعب خصوصاً اني بكريه واول حمل لي رحت عند اهلي واتشكى لأمي المهم قالت بعطيك كف مريم مخمرتها بقارورة مويه لها يوم حطيت لي ملى فنجان قهوه وشربته الصباح وبعدها نمت صحيت الظهر ومعي دم خفيف انبسطت قلت يالله يمكن بوادر ولاده بس مامعي الم بالمره استمر معي الدم لين العصر رحت للطوارى لقت الرحم مفتوح ١ سم بس قالت ارجعي البيت وتعالي اذا جاك طلق رجعت البيت وانا ضايق صدري مره وظليت طول الليل مع الدم ولما اصبحنا كبت معي مويه خضرا تكرمون وكل مالها تزيد وتزيد حتى الفوطه ماتنفع معها جاء فبالي ان الجنين متبرز اعزكم الله مع ظهر الجمعه دقيت ع زوجي ورحنا المستشفى ومعي امي لما كشفت علي قالت الرحم مفتوح ٣ سم خلاص ترقيد وحطوني بالملاحظه وجاني الطلق هنا الم ورى بعض ويوجع مرا والمويه تصب كثيرررررره مرا وحاره ولونها اخضر حطو لي جهاز قياس دقات البيبي والالم يزيد معي وانا اصرخ ومع كل طلقه احاول ادفع حسيت روحي بتطلع 😭😭 وكل شوي جايه تكشف لقته ٥ سم وبعدها جت وحصلته ٨ سم هنا ضعفت دقات القلب حقت البيبي وبدا يصفر الجهاز انذار وانهبلو وصارو كلهم فوق راسي ويقولون يلا يلا عمليه هنا صدمة حياتي بديت ارجف من الخوف مافكرت ولا واحد بالميه اني بولد عمليه وابكي تقولي ماعليش ماما علشان بيبي مافي كويس ويلبسوني لبس العمليه بسرعه ويطلعوني للغرفه لين هذي اللحظه والدكتوره تحاول معي تحت تقول حرام الرحم فاتح عندك اذا جتك الطلقه ادفعي وتوسع لي بيدها ي الله الف فضيعععععععععع انهد حيلي ماعدت اقدر ورحمت الدكتوره تقول للدكتور اللي بيسوي العمليه انتظر شوي بليز خل نحاول طبيعي احسن وتشجعني ادفع كلش مو راضي ينزل اخر شي عطوني ابرة المخدر مع ظهري وسو لي العمليه هنا تبنجت من تحت بس اشوفهم ولا احس بشىء لين سمعت صرخت جنيني يبكي ابتسمت وكلي تعب واردد الحمدلله كان عصر الجمعه ١٠/٢٠ هجري وهذي قصتي سبحان الله كل شيء كان تمام للولاده الطبيعيه الراس نازل للحوض والرحم فاتح بس ماطلع الراس بالمره وهم يقولون ان السبب ان الحوض عندي سميك وصغير والبيبي وزنه حلو ماشاءالله ٣ كيلو و ٨٠٠ بعدها ارتحت الحمدلله العمليه ريحتني وقتها من الالم بس الحين مرا تعبانه مقدر امشي ولا اتحرك بسهوله ومحرومه من الاكل بس مويه شوي احس ارحامي فاضيه وصدري ناشف ماقدر ارضعه لاني ما اكل ع المغذي بس بالنهايه بنات انتبهو تشربون شيء يحرض الولاده بدون طلق خلو طلق ربي يجي وربي يهون على كل حامل ويقر عيونكم بأطفالكم يارب ..